مانچسٹر (پ ر) حلقہ ارباب ذوق برطانیہ اور اولڈہم لائبریریز کے زیر اہتمام شاعر و مفکر اسلام علامہ محمد اقبال  کی یاد میں سالانہ جلسہ اولڈہم کی ماڈرن گریوز سٹریٹ لائبریری کے وسیع ہال میں اتوار 8 مئی دوپہر ایک بجے منعقد ہو گا۔ حلقہ ارباب ذوق کی جنرل سیکرٹری روبینہ خان نے کہا ہے کہ یہ شاندار سالانہ تقریب اولڈہم ڈسٹرکٹ کونسل کی بہترین ثقافتی خدمات کے اعتراف کے طور پر اس سال پھر اس خوبصورت شہر میں منعقد کی جا رہی ہے۔ برطانیہ بھر میں اولڈہم شہر کو یہ اعزاز حاصل ہے کہ یہاں پر ایک خوبصورت سڑک کا نام علامہ اقبال روڈ رکھا گیا ہے۔ پاکستان کے قونصل جنرل احسان اللہ باٹھ اس تقریب کے مہمان خصوصی ہوں گے برطانیہ کے معروف شاعر اور ادبی محقق ڈاکٹر مختار الدین اس موقع پر اقبال، فیض کی نظر میں کے عنوان سے ادبی مقالہ پیش کریں گے۔ مقامی سکولوں کے بچے علامہ اقبال کی نظمیں پیش کریں گے۔ آخر میں علامہ اقبال کو خراج عقیدت پیش کرنے کیلئے مشاعرہ منعقد ہو گا۔
جنگ

__________________
لا فتی الا علیّ لا سیف الاّ ذوالفقار