محمدعدنان

جی سنا تو یہی ہے کہ آج کے جلسہ میں جو شرکاء تھے ان میں‌80 فیصد تعداد نوجوانوں کی تھی جو کہ پورے ملک سے وہاں آئے تھے

__________________

حیدر

ینگ جنریشن شہروں سے تعلق رکھتی ہے۔

محمدعدنان

تے پائی جان شہر بھی تو ملکوں میں‌ہی ہوتے ہیں

حیدر

پاکستان کی سیاست کو دیکھ لیں کہ شہری ووٹ کس حد تک ایفیکٹو ہوتے ہیں۔ میرا مراسلہ اُس تناظر میں لیں۔ نہ کہ پی ایم ایس کے

محمدعدنان

یار تم PMS کو لیکر بہت ٹینشن میں‌ہو کیا ابھی سے تو جیلس ہونا شروع نہیں کردیا تم نے

ھارون اعظم

ینگ جنریشن میں تو آدھوں کے ووٹ بھی نہیں۔

کنعان

راجہ اکرام

یہ دیکھیں ان میں پی پی پی کے کارکنان کتنے تھے

عبدالقدوس

100 فیصدی متفق

محمد یاسرعلی

بھائی لوگو کے شو کا بھی کچھ حال لکھو
لگتا ہے سارے مل کے میاں برادران کے پیچھے پڑ گئے ہیں۔
بہرحال جو ہے کم از کم کسی نہ کسی بہانے لوگ گھروں سے باہر تو آئے اب اپنے زردآری پارٹی نے کب شو لگانا ہے۔

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔

عبدالقدوس

زرداری پارٹی آج ایم کیو ایم کے ساتھ مل کر کراچی میں شو لگا چکی ہے
اسکے علاوہ یہ کہ شیخ رشید جھوٹ اعظم کا کہنا ہے کہ پی پی پی پی اور ن لیگ میں رابطے اب عنقریب متوقع ہیں

__________________

کنعان

بزم خیال

مینار پاکستان اقبال پارک میں سیاسی جلسہ کرنا کسی بھی سیاسی پارٹی کے لئے کڑے امتحان سے کم نہیں ہوتا ۔ اسی لئے بڑی سیاسی جماعتیں بھی موچی دروازہ اور ناصر باغ میں جلسہ کرنے کو ترجیح دیتیں ہیں ۔ تاکہ کم جگہہ میں گھمسان کا رن دکھا کر بلند و بانگ دعوے کئے جاتے ہیں ۔
لیکن اسمبلیوں حتی کہ بلدیاتی نظام سے باہر رہنے والی جماعت کا یہ جلسہ ناکامی کی صورت میں عوامی پزیرائی کے سالوں کے انتظار کی سولی پر لٹک جاتا ۔ اس میں کوئی شک نہیں اتنا بڑا رسک عمران جیسا لیڈر ہی لے سکتا تھا ۔ جو اس نے لیا ۔ مینار پاکستان کو انسانوں سے بھرنا تربیلا ڈیم کو پانی سے بھرنے کے مترادف ہے ۔
آج کے بعد یہ کہا جا سکتا ہے کہ پاکستان کا مستقبل اب ہمارے جیسے جانبدار"دانشوروں "کے تبصروں کی محتاجی سے آزاد ہو چکا ہے ۔
تاریخ برصغیر پاک و ہند کا ایک طالب علم ہونے کے ناطے ایک انقلاب کو دستک دیتا دیکھ رہا ہوں ۔ جو خاموش نہیں بلکہ آندھی کی مانند ہے ۔ جسے نظمیں ترانے پڑھنے اور مائیک گرانے سے شائد روکا نہ جا سکے ۔
جس ملک میں ووٹ کاسٹ ہونے کی ریشو 35 فیصد ہو اور 15 فیصد ووٹ لینے والا مخلوط حکومت بنانے کے قابل ہو ۔ وہاں 15فیصد مزید ووٹ کاسٹ ہو کر 50 فیصد ہو جائیں تو فیصلہ ہونے میں کتنی دیر ہے ۔
تجزیہ نگار ووٹ بینک کی بات ایسے دعوی سے کرتے ہیں جیسے 49 فیصد اور 51 فیصد کا معاملہ ہو ۔ 65 فیصد عوام ووٹ ڈالنے گھروں سے نہیں نکلتے ۔ اور تجزیہ نگار بھی ایسی عوام کو کسی کھاتے میں نہیں ڈالتے ۔ کیونکہ سیاسی بصیرت کی پسند اور نا پسند کے کھاتے وہ خود نہیں کھولتے ۔
سیاسی جماعتوں کی ریلیوں اور جلسوں میں‌ غریب عوام کی شرکت یقینی ہوتی ہے ۔ مگر اس بار پوش علاقوں سے نوجوان مرد و خواتین کی شرکت نے نئی امید پیدا کی ہے ۔
دوسروں کی رائے کیا ہے اور کیوں ہے ۔ اس بات سے قطع نظر جو میں دیکھ رہا ہوں وہ الیکشن و سیاست سے ہٹ کر تبدیلی کی آندھی آگے بڑھ رہی ہے ۔ جو الیکشن میں ہار جیت سے کم پڑنے والی نہیں ہے ۔ اگلا لیکشن عمران خان نہ بھی جیتے تو کوئی فرق نہیں پڑنے والا ۔ کیونکہ یہ ایک جماعت کا سیاسی جلسہ یا سیاسی طاقت کا مظاہرہ نہیں بلکہ قوم میں پھیلی بے چینی بے اعتمادی کی فضا میں امید کی ایک نئی امید کا سورج طلوع ہونے جا رہا ہے ۔ جس کا عَلم دوسروں کی نااہلی کی وجہ سے عمران کے ہاتھ میں آ گیا ہے ۔
تمام لوگوں کی نظریں عمران پر ہیں مگر میری نظر ان پر ہے جو اس وراثتی سیاسی کرپٹ سسٹم سے تنگ ہیں ۔
میری باتوں سے اختلاف کا حق سب کوحاصل ہے ۔
مگر فیصلہ وقت آنے پر ہو گا ۔الیکشن کے رزلٹ آنے پر نہیں ۔
جو اگر یہ سمجھتے ہیں کہ اگلے الیکشن میں تحریک انصاف کہاں کھڑی ہو گی ۔ وہ کہیں بھی کھڑی ہو ۔ مگر اسے پڑنے والا ووٹ ضرور اس سسٹم میں تبدیلی کا خواہاں ہو گا ۔
میری نظر میں اب الیکشن دو سوچوں کے درمیان ہو گا ۔ ایک وہ جو اس کرپٹ سسٹم کے تابع رہنے کو اہمیت دیتے ہیں ۔ دوسری جو اس سسٹم سے تنگ ہے ۔

__________________
شائد میرا سفر یہیں تک تھا

آبی ٹوکول

اسلام علیکم !
بہت عمدہ بزم خیال بھائی انتہائی معقول مدلل اور جامع تبصرہ اور تجزیہ تھا ۔سو سب سے پہلے اس مختصر، بامعنی اور جامع تبصرہ پر میری طرف سے مبارکباد قبول کیجییئے اسکے بعد آپ ہی کے لفظوں کا سہارا لیتے ہوئے کچھ اضافہ کرنا چاہوں گا کہ اس میں کوئی شک نہیں تھا کہ ٹیکنیکلی یہ بہت ہی مشکل اور چیلنجنگ کام تھا کہ مینار پاکستان میں جلسہ کیا جائے اور پھر ایسا کیا جائے کہ بڑے بڑوں کی بولتی بند ہوجائے اور منہ کھلے کہ کھلے رہ جائیں ۔
مگر اسکے ساتھ ساتھ میں کسی بھی خوش فہمی میں نہیں ہوں اس قوم کا مزاج اچھی طرح سے جانتا اور سمجھتا ہوں کہ یہ بڑے بڑے جلسے تو منعقد کرلیتی ہے مگر الیکشنز میں رزلٹ کچھ اور ہی ہوتا ہے ۔ اسی مینار پاکستان پر پاکستان عوامی تحریک اور منھاج القرآن کہ اس سے بھی بڑے بڑے جلسے دینی اور سیاسی دونوں حوالوں سے سالہا سال سے معنقد ہوتے آئے ہیں مگر سیٹ لاہور سے ایک بھی کبھی ڈاکٹر طاہرالقادری صاحب کو نہ مل سکی اور اگر ہماری قوم کی یاداشت کچھ اچھی ہوتو 1997 میں بے نظیر نے اپنی الیکشن مہم کا اختتام اسی لاہور شہر میں ایک گرینڈ اور تاریخی جلسہ کی صورت میں کیا تھا جس میں نعرے لگے تھے " تیر ہے لاہور کا ،لاہور ہے تیر کا " مگر الیکشن نتائج یہ تھے کہ تیر تو درکنار لاہور میں تکا بھی نہیں چلا تھا پیپلز پارٹی والوں کا بلکہ لاہور ہی کیا پورے پنجاب میں شیر کمپیوٹر میں ایسا فٹ آیا تھا کہ شاید قومی اسمبلی کی ایک بھی سیٹ نہ ملی تھی جبکہ میری ناقص یاداشت کہ مطابق لوئر پنجاب سے صوبائی اسمبلی کی چند ایک سیٹیں نکال پائی تھی پیپلز پارٹی ۔خیر بات بہت لمبی ہوگئی عرض یہ کرنا چاہتا ہوں کہ بلا شبہ پاکستان تحریک انصاف کی یہ ایک یادگار اور ناقابل فراموش کامیابی ہے اور اللہ کرئے یہ کامیابی اس پارٹی کو ون مین شو کی بجائے واقعتا ایک بھرپور سیاسی پارٹی بنانے کا سبب بنے جو کہ بظاہر نظر بھی آرہا ہے اور لگ رہا تھا کہ آج فقط عمران خان کا نہیں بلکہ تحریک انصاف کا شو تھا ۔
جہاں تک بات ہے کسی بڑے انقلاب یا تبدیلی کی تو وہ مجھے نظرنہیں آرہی معذرت کہ ساتھ عرض کروں گا اس کی وجہیں کئی ہیں ان میں سے کچھ تو اوپر ذکر بھی کیں کہ ہماری قوم کا یہ عمومی رویہ ہی ایسا ہے کہ اس سے کسی انقلاب کی توقع کرنا بےسود ہے اور دوسرے سسٹم اس قدر بوسیدہ کیپچرڈ نیچر کا ہے کہ اس سسٹم سے کسی انقلاب کا نکلنا بہت ہی مشکل ہے بلکہ قریبا ناممکن ہے مگر تاہم میں مایوس ہرگز نہیں ہوسکتا ہے میرے نتائج غلط بھی ہوں اور مایوسی تو ہے ہی گناہ سو امید پر دنیا قائم ہے ۔ بحرحال ایٹ دا اینڈ تحریک انصاف نے پہلی بار سیاسی میدان میں اتنی بڑی کامیابی ماری ہے اور بھرپور سیاسی قوت کا مظاہرہ کیا ہے کہ جسکا اندازہ کافی دنوں سے ان لوگوں کو بھی ہوچلا تھا جوکہ ہمیشہ سے طعنے کستے آئے تھے اس پارٹی کے خلاف لہذا انھوں نے بھی ایک عرصہ سے اپنے اپنے کالمز میں اورمختلف ٹیوی شوز میں تحریک انصاف کی زمینی حیثیت کو تسلیم کرنا شروع کردیا تھا مگر اس جلسے نے تو کمال ہی کردیا لازمی طور پر اس جلسہ کے پاکستانی سیاست میں تحریک انصاف کے لیے مثبت نتائج مرتب ہونگے ۔۔۔والسلام

__________________
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
پیکرِ دلرُبا بن کے‌ آیا ،روحِ ارض و سما بن کے آیا
سب رسولِ خُدا بن کے آئے ،وہ حبیبِ خُدا بن کے آٰیا