16 ستمبر 2010

لندن(مانیٹرنگ ڈیسک)ایم کیو ایم کے بانی اراکین میں شامل ڈاکٹر عمران فاروق کے بہیما نہ قتل کو برطانوی میڈیا میں نمایاں کوریج دی جا رہی ہے، کچھ اخبارات کے مطابق اس قتل کے سیاسی محرکات بھی ہوسکتے ہیں”سکائی نیوز“ اخبارکے مطابق ایم کیو ایم نے کہا ہے کہ عمران فاروق کا قتل ایم کیو ایم کے قائد الطاف حسین کے اس بیان کا جواب ہے جس میں انہوں نے پاکستان آرمی سے ملک کو سدھارنے کے لیے حکو مت کے خلا ف مداخلت کے لیے کہا تھا۔اخبار کا کہنا ہے کہ اس واقعہ کے بعد کر اچی میں پیدا ہو نے والی صورتحال کے پیش نظرپورے ملک پر منفی اثرات مر تب ہونے کا خدشہ ہے۔ ایک برطانوی اخبارکا ”رائٹر “ کے حوالے سے کہنا ہے کہ عمران فاروق کراچی میں سب سے زیا دہ اثر رکھنے والی پارٹی کے بانیوں میں سے تھے لیکن ابھی ان کے قتل کے سیاسی محرکا ت واضح نہیںہیں۔ایک اخبار ”مرر نیوز “ نے ایم کیو ایم کی رابطہ کمیٹی کے رکن رضا ہارون کا بیان شائع کیا ہے جس میں انہوں نے کہا ہے کہ عمران فاروق اپنی زندگی کو درپیش خطرات سے آگا ہ تھے اور وہ پناہ کی تلا ش میں لندن آئے تھے۔رضاہارون نے کہا کہ کو ئی سوچ بھی نہیں سکتا تھا کہ لندن میں بھی ایسا ہو سکتا ہے،وہ نہیں جانتے کے یہ سب کیسے ہوا۔ اخبار”گارڈین “کے مطابق عمران فاروق کا قتل ایم کیو ایم کے لیے بہت بڑا دھچکا ہے۔لندن میں عمران فاروق کے دوستوں کا کہنا ہے کہ اس قتل کی سیاسی وجوہات بھی ہو سکتی ہیں۔اخبارکے مطابق سکارٹ لینڈ یارڈ نے اس قتل پرابھی کوئی تبصرہ کر نے سے انکار کر دیا ہے اور کیس ”کاﺅنٹر ٹیررازم کمانڈ “کے پاس بھیج دیا گیا ہے۔عمران فاروق ایم کیو ایم کے قائد الطاف حسین کے قریبی ساتھی تھے جو پاکستان میں اسلامی شدت پسندی اورسیلاب پر حکومتی پالیسی پر کڑی تنقید کرتے رہتے ہیں ۔ان کا قتل الطاف حسین کے لیے یہ پیغام بھی ہوسکتا ہے کہ عمران فاروق کو قتل کرنے والے ہاتھ ان تک بھی پہنچ سکتے ہیں تجزیہ نگارو ں کا کہنا ہے کہ وہ اس قتل پر کھلے ذہن سے سوچ بچارکر رہے ہیںکیونکہ کراچی میں ایم کیو ایم کی پشتون اور سندھی پارٹیوں کے ساتھ مخالفت کی ایک لمبی تاریخ ہے جہاں ”ادلے کابدلہ“ کے طور پرایک دوسرے کے سیاسی رہنماﺅ ں کو قتل کیا جاتا رہا ہے،لیکن یہ بھی واضح نہیں کہ پاکستان کی کونسی پارٹی اتنی اہلیت رکھتی ہے کہ وہ لندن جیسے علاقے میں ایسی کا روائی کر سکے۔ گارڈین کے مطابق ایک سفارتکار کا کہنا ہے کہ عمران فاروق کو ان کے کسی دشمن نے قتل ہے لیکن ان کا قتل ذاتی دشمنی کا نتیجہ ہے یا ایم کیو ایم کے اندر ہی ان کے کسی حریف نے یہ کام کیا ہے اس کے بارے میں کچھ نہیں کہا جاسکتا۔ سی این این نے مختلف ٹی وی چینلز پر چلنے والی ایم کیوایم کے قائد کی فوٹیج کے حوالے سے الطاف حسین کا بیان شائع کیا ہے جس میں وہ روتے ہوئے کہہ رہے ہیں کہ عمران فاروق نے انقلاب کے لیے قربانی دی ہے اور وہ یہ صدمہ کیسے بر برداشت کریں گے ۔ ۔”انڈیپینڈینٹ“کے مطابق جس جگہ پر عمران فاروق کو قتل کیا گیا وہاں کے رہائشیوں کا کہنا ہے کہ اس علاقے میں اس سے قبل کبھی ایساواقعہ وقوع پذیر نہیں ہوا۔یہ حقیقت میں بہت بڑا صدمہ ہے۔ایک اور بر طانوی اخبار کے مطابق ایک خاتون جو اس واقع کی عینی شاہد ہے ،نے بتایا کہ اس نے دو افراد کے سروں کو آپس میں ٹکراتے دیکھااور پھر اس کو چیخوں کی آوازیں سنائی دیں۔اس نے دیکھا کہ کو ئی شخص عمران فاروق کو مار رہا تھا،انہوں نے حملہ آور کے خلاف مزاحمت کی لیکن حملہ آور انھیں گھائل کرنے میں کامیاب ہوگیا

__________________
جاویداسد