عوامی مسائل ترجیحی بنیادوں پرحل کئے جائینگے،وزیر اعلیٰ سندھ
کراچی...وزیر اعلیٰ سندھ سید قائم علی شاہ نے کہاہے کہ حکومت عوام کے مسائل ترجیحی بنیادوں پر حل کرے گی اور اس کے لیے منتخب نمائندوں کو دن رات کام کرنا پڑے گا۔وزیراعلیٰ ہاؤس سے جاری بیان کے مطابق ارکان سندھ اسمبلی اور دیگرشخصیا ت سے ملاقات میں قائم علی شاہ نے کہا کہ پیپلز پارٹی کی حکومت عوام کی توقعات کے مطابق کام کرے گی ۔ ملاقات کرنے والوں میں سسی پلیجو ، پیر امجد شاہ جیلانی ،زاہدبھرگڑی ،ڈاکٹر موہن لعل ،سردار علی پتافی ،سلیم خورشید کھوکھر اور دیگر شامل تھے۔ان کے علاوہ ارسا میں سندھ کے ممبر محمد خان میمن ،سیکرٹری آبپاشی شجاع الدین جونیجو اور دیگر شخصیات نے بھی وزیر اعلیٰ سندھ سے ملاقات کی ۔

__________________