پشاور:عوامی نیشنل پارٹی نے وفاق میں وزارتوں کے حوالے سے اپنے تحفظات دور نہ ہونے کی صورت میں کابینہ سے علیحدگی کی دھمکی دے دی ہے ۔عوامی نیشنل پارٹی کے ترجمان زاہد خان نےمیڈیا سے گفتگو کرتے ہوئے کہا کہ پی پی نے ہم سے مشاورت کے بغیر وزارتیں دی ہیں۔ہم سے یہ طے ہوا تھا کہ ہم کو پرانی وزارتیں دی جائیں گی جبکہ ایسا نہیں ہوا۔انہوں نے کہا کہ جب تک ہمارے سابقہ تحفظات اور موجودہ تحفظات دور نہیں کئے جاتے ہم کابینہ میں شامل نہیں ہوسکتے۔

انہوں نے مطالبہ کیا کہ نئی کابینہ تشکیل دی جائے او راز سرنو وزارتیں دی جائیں۔ہم مطالبات منظور نہ کئے جانے پر حکومت سے الگ نہیں ہوں گے تاہم وزارتیں نہیں لیں گے۔