ہائے مہنگائی۔ ہائے بجلی ۔ہائے گیس۔ ہاہے پٹرول۔ ہائے آٹا۔یہ سن سن کر تبدیلی کی آوازین سننا کون پسند نہیں کرگے گا۔وزیراعظم سید یوسف رضا گیلانی نے کہا ہے کہ تبدیلی کی باتیں کرنے والے بتائیں کہ ان کے پاس کیا متبادل ہے۔ ایسی باتیں کرنے والے کس کو لائیں گے جو چاروں صوبوں کو اکٹھا کرسکے گا غیر آئینی اقدام کا سوچنے والے وقت ضائع نہ کریں انہوں نے کہا کہ پیپلزپارٹی ملک بھر میں ہے اسے دیوار سے لگانا درست نہیں حکومت گرانے کی باتیں کرنے والے احمقوں کی جنت میں رہتے ہیں۔ پیپلزپارٹی وفاق کی علامت ہے اس کا زندہ رہنا پاکستان کی سلامتی ہے۔ انہوں نے کہا کہ ہمارے جانے کی سازش کرنے والے شرم کریں۔ ہمیں پانچ سال کے لئے اقتدار ملا اڑھائی سال میں حساب کیوں مانگا جارہا ہے۔ ہمیں کسی کا کوئی خوف نہیں۔ہم حکومت میں ہوں یا اپوزیشن میں ہم نے عوام کی خدمت کرنی ہے ۔ میرا نام گنیز بک آف ورلڈ ریکارڈ میں شامل ہونا چاہیے کیونکہ میں پارلیمنٹ کے ایک اجلاس سے بھی غیر حاضر نہیں رہا ہوں انہوں نے کہا کہ اس وقت حکومت کے خلاف سازش کرنے اور توڑنے کیلئے جو بھی اقدام ہوگا وہ غیر جمہوری اور غیر آئینی ہوگا اور صرف ملک توڑنے کے لئے ہوگا۔
وزیراعظم سید یوسف رضا گیلانی جنہیں مفاہمتی سیاست کا علمبردار سمجھا جاتا ہے اور انہوں نے انتہائی مشکل حالات میں بھی صبر کا دامن ہاتھ سے نہیں چھوڑا ہے لیکن لاہور میں ایک تقریب کے دوران انہوں نے جن جذبات کا اظہار کیا اس سے یہ محسوس ہو رہا ہے کہ اس وقت ان کی حکومت سخت دبائو کا شکار ہے انہوں نے حکومت گرانے کی سازشیں کرنے والوں سے سوال کیا ہے کہ پیپلزپارٹی کی حکومت کے بعد کون ہے جو چاروں صوبوں' گلگت بلتستان اور آزادکشمیر کے ساتھ مل کر چل سکے۔ یقینا یہ ایک ایسا سوال ہے جس کا جواب سیاسی مخالفین کے لئے مشکل ہے لیکن یہ حقیقت بھی اپنی جگہ موجود ہے کہ عوام کے مسائل اس قدر بڑھ چکے ہیں کہ جن کا احاطہ کرنا آسان نہیں ۔عوام نے آمریت کے خاتمے کے لئے قربانیوں کی ایک داستان رقم کرنے کے بعد جمہوریت بحال کرائی تھی تاکہ ان کے مسائل میں کمی آئے گی لیکن جمہوریت کی بحالی کے بعد مسائل پہلے سے کئی گناہ زیادہ بڑھ چکے ہیں ۔
گزشتہ دو برسوں میں مہنگائی دو سو فیصد بڑھ چکی ہے ہر ماہ اوسطاً 15افراد غربت کے ہاتھوں مجبور ہو کر خودکشی کرنے پر مجبور ہیں۔2برس قبل دور آمریت میں آٹا13روپے کلو دستیاب تھا آج دور جمہوریت میں 32روپے فروخت ہو رہا ہے چینی 26روپے کلو مل رہی تھی آج 90 روپے کلو یہ خریدی جارہی ہے گھی اور خوردنی تیل 60روپے کلو مل رہا تھا آج 130روپے میں فروخت ہو رہا ہے ایک چھوٹے خاندان کے گھر کا بجلی اور گیس کا بل ماہانہ500روپے کا تھا تو آج 5000روپے تک پہنچ چکا ہے۔ پٹرولیم کی مصنوعات کی قیمتیں بھی آئے دن بڑھ رہی ہیں جس آدمی کے گھریلو اخراجات ماہانہ 20000روپے ہیں اس کی آمدنی 7000سے 10000ہزار تک ہے۔ بچوں کی تعلیم تو درکنار' کھانے کے اخراجات اور کپڑوں کے لئے رقم پوری کرنا بھی انتہائی مشکل ہے ۔ دوائیوں کی قیمتیں اس حد تک پہنچ چکی ہیں کہ غریب آدمی دوائی خریدنے کی حسرت لئے دنیا سے رخصت ہو جاتا ہے۔ پبلک ٹرانسپورٹ کے کرایوں میں بھی کئی گناہ اضافہ ہوچکا ہے۔ الغرض غریب عوام کے لئے نہ جینا آسان ہے نہ مرنا' ان حالات میں عوام کی اکثریت جیتے جی مر چکی ہے اور ہمارے حکمران ہیں کہ جو صرف اقتدار کو بچانے میں مگن ہیں اورسیاستدانوں کو سوائے اپنی باری کے علاوہ عوام کی کوئی فکر نہیں ۔جن حکمرانوں کے یہ روئیے ہوں وہ پھر یہ کہیں کہ ہمارے خلاف سازشیں ہو رہی ہیں تو حیرانگی ہوتی ہے کہ یہ سازشیں کون کر رہا ہے' کیا حکمرانوں کے عوام کے ساتھ ان رویوں کے بعد بھی کسی اور کیلئے سازش کی گنجائش باقی رہتی ہے؟
دیکھا جائے تو حکمران خود ہی اپنے خلاف سازشیں کر رہے ہیں اگر حکمران عوام کے بنیادی مسائل حل کریں اور زندہ رہنے کا حق دیں تو ہم یقین کے ساتھ کہہ سکتے ہیں کہ کوئی طاقت حکومت کے خلاف سازش نہیں کر سکتی ہر سازش کو عوام ناکام بنادیں گے لیکن جب عوام کے مسائل حل کرنے کی طرف کوئی توجہ ہی نہ دی جائے تو پھر لازمی امر ہے کہ ہر طرف سے سازشیں ہی سازشیں ہوں گی۔ حکمران اگر چاہتے ہیں کہ ان کی حکومت محفوظ رہے تو انہیں چاہیے کہ عوام کو اپنی طاقت بنائیں اور عوام اس وقت تک آگے نہیں بڑھ سکتے جب تک ان کے مسائل حل نہ ہوں اور انہیں جینے کا حق نہ دیا جائے' حیرت ہے کہ موجودہ حکومت آئے روز اپنی کامیابیوں اور عوامی خدمت کی ایک ایسی فہرست بیان کرتی ہے کہ اس میں سرفہرست اٹھارویں ترمیم' این ایف سی ایوارڈ' آغاز حقوق بلوچستان' گلگت بلتستان کے حقوق اور 1973ء کے آئین کی بحالی ہے اس سے کوئی انکار نہیں کر سکتا کہ یہ بہت بڑی کامیابیاں ہیں لیکن سوال یہ ہے کہ ان سے پاکستان کے عام آدمی جس کا مسئلہ صرف یہ ہے کہ وہ اپنے اور اپنے بچوں کے لئے روٹی پوری نہیں کرسکتا اسے کیا غرض۔یہ اس کا درد سر ہی نہیں کہ وزیراعظم اجلاس میں حاضر ہوتے ہیں یا نہیں' صدر پارلیمنٹ سے خطاب کرتے ہیں یا نہیں۔ اٹھارہویں ترمیم لائی جارہی ہے یا انیسویں ترمیم 'ملک میں آمریت ہے یا جمہوریت اسے تو روٹی چاہیے' بچوں کی تعلیم چاہیے اور صحت کی سہولیات درکار ہیں۔ یہ سہولیات جو بھی عطا کرے گا اسی کے نعرے بلند ہوں گے اور جب غریب آدمی کی یہ ضروریات پوری ہوگی تو اس کے بعد اسے شعور حاصل ہوگا کہ جمہوریت کے کیا فائدے ہیں تو آمریت کے کیا نقصانات ' عوام بھوکے ہیں 'ہمارے سیاستدان اور حکمران جمہوریت اور آمریت کی باتوں سے بہلانا چاہتے ہیں جب تک عوام کو طاقت نہیں بخشی جائے گی حکومتوں کے خلاف سازشیں چلتی رہیں گی اور انتشار کی فضا برقرار رہے گی اور جس دن ہمارے ملک کے حکمرانوں اور سیاستدانوں نے اس بات سے اتفاق کیا کہ اپنے اقتدار کے تحفظ اور مفادات کے حصول کی بجائے عوام کے مسائل حل کرکے انہیں طاقت بخشی جائے تو اس دن عوام اپنی طاقت حکومت کے ساتھ ملائیں گے اور کوئی آمر' کوئی جابر ' کوئی ظالم یا کوئی بیرونی طاقت یہ ہمت نہیں کر سکے گی کہ وہ حکومت کو کمزور کرے یا آمریت کے لئے راستے ہموار کرے' اس سیاسی کشمکش' انارکی اور جمہوری حکومتوں کے خلاف سازشوں اور غیر جمہوری طاقتوں کے اقتدار پر قبضہ کرنے منصوبوں کو ناکام بنانے کا واحد طریقہ یہ ہے کہ عوام کو طاقت بخشی جائے اور جس دن عوام طاقت ور ہوں گے اس دن سے یہ ملک خوشحالی اور ترقی کی منزلوں کی جانب محو سفر ہوگا۔
ہم سمجھتے ہیں کہ موجودہ جمہوری حکومت عوامی مسائل حل کرنے کے لئے نہ صرف انقلابی اقدامات کرے گی بلکہ وزارء کی تعداد میں کمی' دیگر حکومتی اخراجات میںکٹوتی اور اپنی پالیسیوں پر نظرثانی کرتے ہوئے ایسے اقدامات کرے گی کہ جس سے عوام کی زندگیوں میں آسانیاں پیدا ہوں تو عوام خود ہی تمام غیر جمہوری طاقتوں کا راستہ روکنے کے لئے سیسہ تان کر کھڑے ہوں گے۔مگر جب مسائل حل ہوں گے

__________________
جاویداسد