2010 : اکتوبر-12
لندن (نیٹ نیوز) دنیا بھر میں زندگی کے مختلف شعبہ جات میں مردوخواتین کے مابین امتیاز تیزی سے کم ہو رہا ہے اور اس حوالے سے مغربی یورپ کے ملکوں کی کارکردگی سب سے نمایاں ہے۔ ورلڈ اکنامک فورم کی رپورٹ کے مطابق کم ازکم جنسی امتیاز کے حوالے سے آئس لینڈپہلے نمبر پر ہے جبکہ امریکہ بھی اس حوالے سے ترقی کر کے بیسویں نمبر پر آ گیا ہے۔ رپورٹ کے مطابق ناروے، فن لینڈ اور سویڈن میں مرد و خواتین کو قابل رشک برابری حاصل ہے اورگزشتہ سال ان ملکوں میں جنسی امتیاز میں 59فیصد کمی دیکھی گئی۔ اکنامک فورم کے شعبہ خواتین کی سربراہ سعدیہ زاہدی کے مطابق اب زیادہ سے زیادہ ملک جنسی امتیاز کے خاتمے کی جانب بڑھ رہے ہیں جو کہ حوصلہ افزا بات ہے۔ ان کا کہنا تھا کہ جنسی برابری کے نتیجے میں امیر وغریب ہر دو طرح کے ملکوں میں مقابلے اور ترقی کے رحجان میں اضافہ ہوتا ہے۔

__________________
جاویداسد