19 نومبر 2010
گوانگ زو(مانیٹرنگ ڈیسک)پاکستان ٹیم نے ایشین گیمز ویمنز کرکٹ فائنل میں بنگلہ دیش کو 10 وکٹوں سے شکست دے کر ایونٹ میں گولڈ میڈل جیت لیا ہے۔ایشین گیمز میں یہ پاکستان کا پہلا گولڈ میڈل ہے۔بنگلہ دیشی ٹیم نے پاکستان کو میچ جیتنے کیلئے 93 رنز کا ہدف دیا جو اِس نے بغیر کسی نقصان کے سولہویں اوور میں حاصل کرلیا ۔ پاکستان کی جانب سے اوپننگ کرتے ہوئے نداراشد نے 51ارنز کی شاندار اننگ کھیلی جبکہ جویریہ ودود نے 39 سرنز بنا کر پاکستان کو شاندار فتح سے ہمکنار کرایا. اس سے قبل پاکستانی کپتان ثناءمیر نے ٹاس جیت کر پہلے فیلڈنگ کا فیصلہ کیا ۔بنگلہ دیش کی ٹیم مقررہ 20اوورز میں 92رنز بناکر آوٹ ہوگئی۔بنگلہ دیش کی سلمیٰ خاتون نے 27رنز کی شاندار اننگز کھیلی اور رومان نے 17رنز بنائے جبکہ اِن کے علاوہ کوئی کھلاڑی قابل ذکر کارکردگی نہ دکھا سکی۔ پاکستان کی جانب سے ندا راشد نے چار اور کپتان ثنا ءمیر نے دو ،دو کھلاڑیوں کو آوٹ کیا۔ دوسری جانب تیسری پوزیشن کے میچ میں جاپان نے چین کو سات وکٹوں سے شکست دیکر کانسی کا تمغہ جیت لیا ہے۔پاکستان ٹیم کی کپتان ثناءمیر نے کہا ہے کہ اُنہوں نے سونے کا تمغہ جیت کر پاکستانی قوم کو عید کا تحفہ دیا ہے۔

__________________
جاویداسد