[ 07/11/2010 - 05:07 AM ]

غزہ... مرکز اطلاعات فلسطین


اسرائیلی فوج نے غزہ کی پٹی پر دو الگ الگ مقامات پرجنگی طیاروںکے ساتھ بمباری کی ہے جس سے متعدد مکانات کو نقصان پہنچا، تاہم آخری اطلاعات آنے تک کسی قسم کے جانی نقصان کی اطلاع نہیں مل سکی.

مقامی فلسطینی ذرائع کے مطابق قابض اسرائیلی فوج کے لڑاکا طیاروں نے ہفتے اور اتوار کی درمیانی شب مصری سرحد کے قریب رفح کے علاقے میں ایک زیرزمین سرنگ پر بمباری کی جس سے سرنگ تباہ ہو گئی. دوسرا حملہ شمالی غزہ میں خان یونس کے مقام پر کیا گیا. اسرائیلی طیاروں کے داغے گئے میزائل خالی کھیتوں میں گرے جس سے کسی قسم کا جانی نقصان نہیں ہوا.

فلسطینی میڈیکل وایمرجنسی سروسز کے مطابق خان یونس اور رفح کے مقامات پر رات گئے اسرائیلی طیاروں کےحملوں میں کسی قسم کا جانی نقصان نہیں ہوا، تاہم مقامی ذرائع کا کہنا ہے کہ سرنگ پر بمباری میں متعد افراد معمولی زخمی ہوئے ہیں، جنہیں فوری طبی امداد دی گئی ہے.