|
فاٹا کے ارکان پارلیمنٹ آج صدر سے علیحدہ صوبے کا مطالبہ کرینگے
12-08-11, 03:06 AM
اسلام آباد (دلشاد عظیم) فاٹا سے تعلق رکھنے والے ارکان پارلیمنٹ صدرزرداری سے باقاعدہ طورپر یہ سفارش کرنے والے ہیں کہ قبائلی علاقہ جات کو علیحدہ صوبے کا درجہ دیاجائے فاٹا سے تعلق رکھنے والے ارکان پارلیمنٹ نے دی نیوز کو بتایا کہ کسی پیچیدگی سے بچنے اور فاٹا کے عوام کی رائے جاننے کے بعد مجوزہ فاٹا یا قبائلی صوبے کے قیام کی جانب مرحلہ وار اقدامات کئے جاسکتے ہیں۔ فاٹا کے ارکان پارلیمنٹ اور قبائلی عمائدین گلگت بلتستان کی طرز پر منتخب کونسل کے قیام کے بعداپنی اسمبلی وزیراعلیٰ اور گورنر کے تقرر کے بعدصوبے کا مطالبہ آگے بڑھانا چاہتے ہیں۔ ایوان صدر میں جمعہ کو صدر زرداری کیساتھ افطار ڈنر کے موقع پر قبائلی علاقے کے ارکان پارلیمنٹ اور ہر اےجنسی سے دور ہنما فاٹا کے مسئلے پر تبادلہ خیال کرینگے۔ ایک سوال پر انہوںنے کہاکہ پولیٹیکل پارٹیز ایکٹ(بی پی اے) ‘ ایف سی آر میں بعض باتوں کو شامل کئے جانے اور حال ہی میں نافذ کردہ ریگولیشن میں ترامیم وہ بنیادی باتیں ہیں جن پر حکومت فاٹا کے ارکان پارلیمنٹ سے متفق ہے اور ان معاملات کو حتمی شکل دی جانی ہے انہوں نے کہاکہ فاٹا کے ارکان پارلیمنٹ اورقبائل اے این پی کے اس مطالبے کیخلاف ہیں کہ فاٹا کو خیبرپختونخوا میں شامل کیاجائے ان کاکہنا تھا کہ ان کاعلاقہ خیبرپختونخوا کے گورنر کی انتظامی عمل داری میں آتا ہے اورخیبرپختونخوا کی حکومت ہمارے فنڈز کا غلط استعمال کررہی ہے جمعرات کو گورنر خیبرپختونخوا اورفاٹا کے ارکان میں ایک اعلیٰ سطح کا اجلاس ہوا جس میں صدر سے ہونیوالی ملاقات کی حکمت عملی پر غور کیاگیافاٹا سے رکن قومی اسمبلی حمیداللہ جان آفریدی نے دی نیوز سے گفتگو کرتے ہوئے اس بات کی توثیق کی کہ انہوںنے شمالی علاقہ جات کی طرز پر فاٹا کے علاقے کو صوبہ بنانے کامطالبہ کیاہے منیراورکزئی کی سربراہی میں ان کاپارلیمانی گروپ چاہتاہے کہ فاٹا کے ارکان اسمبلی اورسینیٹرز پر مشتمل ایک منتخب کونسل فوری تشکیل دی جائے جوترقیاتی اموروغیرہ کی نگرانی کرے اوراس کونسل کی تجاویز پر اس وقت تک عمل کیاجائے جب تک فاٹا کوعلیحدہ صوبہ قرارنہیں دے دیاجاتا۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,509
شکریہ: 1,551
2,973 مراسلہ میں 8,226 بارشکریہ ادا کیا گیا
|
|
12-08-11, 03:06 AM
Linear Mode
Similar Threads
