فرانسیسی مصنف کے لیے نوبل انعام

بی بی سی رپورٹ۔

سن دو ہزار آٹھ کے لیے ادب کا نوبل انعام فرانسیسی مصنف ژاں ماری لکلزیو کو دیا گیا ہے۔ اڑسٹھ سالہ مصنف کو انعام میں تقریباً سوا آٹھ لاکھ پاؤنڈ ملیں گے۔

سویڈش اکیڈمی نے ان کے بارے میں کہا کہ وہ’نئی اختراع، شاعرانہ مہم جوئی اور لذائذ حسی کی سرمستی کے مصنف ہیں‘۔ اکیڈمی نے کہا لکلزیو نے
بر سرپیکار تہذیب سے دور انسانیت کو تلاش کیا۔

لکلزیو سن انیس سو اسی میں بحیثیتِ ناول نگار شہرت ملی جب ان کی کتاب ’صحراء‘ شائع ہوئی۔ سویڈش اکیڈمی نے کہا کہ کتاب میں ’شمالی افریقہ کے صحراء کی گمشدہ ثقافت کی زبردست جھلک‘ پیش کی گئی۔ ان کا پہلا ناول ’انٹیروگیشن‘ تھا جو انیس سو چونسٹھ میں شائع ہوا۔

لکلزیو نے کا تازہ ترین کام فلم سازی کے فن کی تاریخ پر ہے۔ مصنف بچوں کے لیے کتابیں لکھ چکے ہیں جن میں ’لوری‘(lullaby) بھی شامل ہے جو انیس اسی میں شائع ہوئی۔

لکلزیو کو فرانس میں اپنے کام کی وجہ سے کئی اعزازات سے نوازا جا چکا ہے۔ وہ سن انیس سو چالیس میں نائس میں پیدا ہوئے اور بچپن میں دو سال نائجیریا میں بھی رہے۔ وہ بنگکاک، بوسٹن اور میکسیکو سٹی کی جامعات میں پڑھاتے بھی رہے ہیں۔ انہیں دس دسمبر کو نوبل انعام کا میڈل دیا جائے گا۔

روایت ہے کہ ادب کا انعام حاصل کرنے والے سویڈن میں اعزاز حاصل کرنے سے پہلے ایک لیکچر بھی دیتے ہیں۔ ادب کے شعبے میں پہلا نوبل انعام انیس سو ایک میں فرانس کے ہی شارع اور فلسفی سلی پرُدہوم کو ملا تھا۔