فرانس میں 2008 کے تعلیمی سال کیلئے 190 طلبہ کا انتخاب کر لیا گیا
فرانس میں 2008 کے تعلیمی سال کیلئے 190 طلبہ کا انتخاب کر لیا گیا
کراچی( نیوز ڈیسک) فرانس میں سال 2008 کے تعلیمی پروگرام میں شرکت کیلئے پاکستان سے پی ایچ ڈی کے 190 طلبہ فرانس روانہ ہونگے ،ان طلبہ کا انتخاب ہائیر ایجوکیشن کمیشن نے کیا ہے ، ان طلبہ کو ان کے تعلیمی میرٹ اور فرانسیسی پروفیسرز کے ساتھ انٹرویو کے بعد منتخب کیا گیا ہے، منتخب ہونے والے طلبہ کو پاکستان کے مختلف علاقوں (اسلام آباد، لاہور، فیصل آباداور کراچی ) میں فرانسیسی زبان کی تعلیم دیجائے گی، جون 2008 میں کامیابی کے ساتھ مکمل کرنے والے طلبہ فرانس جائیں گے جہاں وہ فرانسیسی زبان میں کی مزید اعلیٰ تعلیم حاصل کرینگے تاکہ وہ فرانس میں اپنے شعبوں میں اعلیٰ تعلیم حاصل کرنے کے قابل ہوسکیں،پاکستان اور فرانس میں فرانسیسی زبان کے کورسز کے اخراجات فرانسیسی سفارتخانہ اٹھائے گا جبکہ فرانسیسی حکومت فرانسیسی یونیورسٹیوں کی فیس کی مد میں گرانٹ دیگی جبکہ پاکستان کا ہائیر ایجوکیشن کمیشن پی ایچ ڈی کے طلبہ کو وظائف فراہم کریگی ۔گزشتہ چند برسوں کے دوران فرانس میں تعلیم کا رحجان بڑھا ہے اور پچھلے پانچ برسوں میں پوسٹ گریجوایٹ تعلیم کیلئے فرانس جانے والوں کی تعداد102 ہوگئی ہے۔
|