فوج اور خیبرپختونخوا بڑے دہشت گرد حملوں سے نمٹنے کیلئے تیار

**گلاب خان** · 15-09-11, 05:24 AM

اسلام آباد (رپورٹ: مظہر طفیل) حکومت خیبر پختون خوا اور پاک فوج نے دہشت گردی اور طالبان کے خلاف پالیسی کوتازہ دم کرتے ہوئے ان کی جانب سے کسی چیلنج سے نمٹنے کیلئے آپریشن کو تیز کرنے کا فیصلہ کیا ہے۔ انٹیلی جنس رپورٹس کے مطابق طالبان کے دو بڑے گروپ پورے ملک میں دہشت گردی کی نئی لہر کی حکمت عملی کے تحت دوبارہ متحرک ہوگئے ہیں۔ خیبرپختونخوا ان کا خصوصی نشانہ ہے۔ پشاور میں پاک فوج کے سینئر ذرائع کے مطابق معتبر انٹیلی جنس رپورٹس ظاہر کرتی ہیں کہ ملا فضل اللہ کے دہشت گردگروپ نے مقامی طالبان اور حامیوں کے تعاون سے دہشت گرد حملوں کامنصوبہ بنایا ہے جس کی ابتداءخیبرپختونخوا سے ہوگی۔ سینئر فوجی حکام کے مطابق منگل کو پشاور میں اسکول بس پر حملہ اسی سلسلے کی کڑی ہے جس کے بعد فوجی اور سویلین انٹیلی جنس نیٹ و رکس صورتحال پر کڑی نگاہ رکھے ہوئے ہیں جس میں خصوصی طور پر قبائلی علاقوں سمیت سوات، مالا کنڈ اور دیر شامل ہیں۔ انٹیلی جنس اطلاعات کی روشنی میں پاک فوج کا ایک تازہ دم بریگیڈ دیر بھیج دیا گیا ہے ان میں سب سے زیادہ تشویشناک پہلو سرحد کے آر پار ہونے والی دہشت گرد سرگرمیاں ہیں جو بھاری جانی نقصان کا باعث بن رہی ہیں۔ انٹیلی جنس رپورٹس سے پتہ چلتا ہے کہ د ہشت گرد مالاکنڈ اور سوات میں بھی جہاں امن قائم کردیا گیا تھا، دوبارہ منظم اور سرگرم ہورہے ہیں۔ ذرائع کے مطابق آرمی چیف جنرل اشفاق پرویز کیانی نے نئی صورتحال کا سنجیدگی سے نوٹس لے لیا ہے اور دہشت گردوں کو کچلنے کی سخت ہدایات جاری کی ہیں جو بحالی امن کے بعد ان علاقوںمیں دوبارہ ابھر رہے ہیں تاہم دہشت گردوں کی بیخ کنی کے لئے منصوبہ پر عملدرآمد شروع کردیا گیا ہے دیر میں فوج کے تازہ دم دستے بھیجنے کے ساتھ نئی چوکیاںقائم کی گئی ہیں انٹیلی جنس نیٹ و رک کو بھی مربوط، مضبوط اور موثر بنایا جارہا ہے۔

روزنامہ جنگ راولپنڈی

**نیلم خان** · 15-09-11, 07:03 AM

اللہ پاک اس ملک کی حفاظت فرمائے آمین ۔

15-09-11, 07:03 AM	#2
نیلم خان ذیلی ناظم تاریخ شمولیت: Aug 2009 مقام: Rawalpindi مراسلات: 11,907 کمائي: 561,131 شکریہ: 25,577 10,452 مراسلہ میں 38,593 بارشکریہ ادا کیا گیا	اللہ پاک اس ملک کی حفاظت فرمائے آمین ۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
تعلق توڑتا ہوں تو مکمل توڑ دیتا ہوں	عبداللہ آدم	شعر و شاعری	6	14-08-11 12:26 PM
توہین رسالت کے بعد توہین کعبہ,,,,آج کی دنیا…اشتیاق بیگ	خرم شہزاد خرم	اپکے کالم	13	24-01-11 11:00 AM
پشتون علاقوں پر قبضے کے لئے 6ماہ سے تیاریاں جاری ہے	ALI-OAD	خبریں	1	18-01-11 09:29 AM
تعلق توڑتا ہوں تو مکمل توڑ دیتا ہوں	The Great	شعر و شاعری	0	26-08-09 11:20 AM
بلو رے ٹیکنالوجی کا توڑ تیار	قیصرجی	کمپیوٹر کی باتیں	0	14-04-08 03:11 PM

Currently Active Users Viewing This Thread: 1 (0 members and 1 guests)