22 اگست 2010
کراچی (مانیٹرنگ ڈیسک)ایم کیو ایم کے قائد الطاف حسین نے کہا ہے کہ پاکستان میں فرانس جیسے انقلاب کی ضرورت ہے۔ محب وطن فوجی جرنیل جاگیر دانہ نظام ختم کرنے کے لیے مارشل لاءکی طرز کوئی قد م اٹھائیں تو ایم کیو ایم بھر پور ساتھ دے گی۔انہوں نے یہ بات عزیز آباد کے لال قلعہ گراﺅنڈ میں ایم کیو ایم کے جنرل ورکرز اجلاس سے خطاب کرتے ہوئے کہی ۔الطاف حسین کا کہنا تھا کہ پاکستان کی خارجہ پالیسی انتہائی ناقص ہے اس کے برعکس بھارت کی خارجہ پالیسی نہایت مﺅثرہے کیونکہ ہمارے افسران بیرون ملک شاپنگ کرتے ہیں جبکہ بھارتی افسران اپنے ملک کے لیے کام کرتے ہیں۔اُن کا کہنا تھا کہ ملک کی خارجہ پالیسی چور اچکوں، کرپٹ جرنیلوں اور وڈیروں کے ذریعے تبدیل نہیں ہو سکتی بلکہ عوام ، محب وطن فوجی اور آئی ایس آئی کے حکام اعلیٰ فیصلہ کر لیں کہ وہ امریکہ سے ڈکٹیشن نہیں لیں گے۔اُن کا مزید کہنا تھا کہ افغانستان میں جہاد کے نام پر لڑی جانے والی جنگ میں پاکستان اور عوام کو جھونک دیاگیا اور اس کے عوض ملنے والے ڈالرز مذہبی جماعتوں اور اس وقت کے فوجی جرنیلوں کی جیبوں میں چلے گئے۔الطاف حسین نے کہا کہ جن جاگیرداروں نے اپنی زمینوں کو بچانے کے لیے بند توڑے وہ نہ صرف انسانیت کے دشمن ہیں بلکہ غریبوں کے قتل عام کے ذمے دار ہیں اور ایسے حالات میں ملک کو فرانس جیسے انقلاب کی ضرورت ہے۔اُنہوں نے عوام سے سیلاب زدگان کی بھر پور مددکرنے کی اپیل کی۔

__________________
جاویداسد