وفاقی وزارت داخلہ کو ملک میں کام کرنے والی تمام موبائل فون اور سیٹلائٹ فون کمپنیوں نے صارفین کی فون کالز ٹیپ کرنے کے لئے اپنے نظام تک رسائی دے دی ہے جبکہ وزارت داخلہ نے ان کمپنیوں سے صارفین کا مکمل ریکارڈ بھی طلب کرلیا ہے ذرائع کے مطابق وزارت داخلہ کے حکام نے مشیر داخلہ کی ہدایت پر موبائل فون اور سیٹلائٹ فون کمپنیوں کے چیف ایگزیکٹو آفیسرز سے یہ مطالبہ کیا کہ فون کالز ریکارڈ کرنے کے لئے اپنے نظام تک رسائی دینے کا مطالبہ کیا تھا جسے تمام کمپنیوں نے قبول کر لیا۔ قبل ازیں فون کالز ٹیپ کرنے کی سہولت خفیہ اداروں کے پاس تھی اگر وزارت داخلہ کو کبھی کوئی فون کال ٹیپ کرنی ہوتی تو اس کے لئے خفیہ اداروں کو درخواست کی جاتی تھی اب وزارت داخلہ اس معاملہ میں خودمختار ہو گئی ہے۔ وزارت داخلہ نے ان کمپنیوں کو اپنے صارفین کا مکمل ریکارڈ جمع کروانے کا بھی حکم دیا ہے جس پر موبائل فون کمپنیوں نے ایک ماہ کی مہلت مانگی ہے ذرائع کے مطابق وزارت داخلہ نے فون کمپنیوں کو سختی سے ہدایت کی ہے کہ کمپیوٹرائزڈ شناختی کارڈ کے بغیر کوئی سم جاری نہ کی جائے جو کمپنی اس کی خلاف ورزی کرے گی اس کے خلاف کارروائی کی جائے گی