17 اگست 2010
بہا(نیٹ نیوز) سعودی عرب کے صوبہ بہا کی مسجدوں کا قبلہ درست نہیں ۔ بہا برانچ کی وزارت کے ڈائریکٹر جنرل ناصر بدران نے بتایا یہ کوئی بڑی غلطی نہیں ۔ حال ہی میں جدید ترین ٹیکنالوجی کی مدد سے قبلہ کی درست سمت کا تعین ہوا تو پتہ چلا مسجدوں کا قبضہ درست نہیں ہے۔ اس غلطی کی تلافی اس طرح کی جا سکتی ہے کہ مسجد کے اندر صفوں کو درست سمت میں رکھا جائے ۔ مسجدوں کو دوبارہ تعمیر کرنے کی ضرورت نہیں ہے۔ سعودی اخبار عرب نیوز کے مطابق اس سے پہلے جو معائنے ہوئے ان سے پتہ چلا تھا کہ مکہ مکرمہ میں ایسی دو سو پرانی مسجدیں ہیں جہاں لوگ غلط سمت میں نماز ادا کرتے رہے کیونکہ مسجوں کی سمت قبلہ درست نہیں تھی۔ پرانے وقتوں میں سمت قبلہ کے تعین کا کوئی سائنسی طریقہ موجود نہ تھا۔ بوڑھے معمار اندازے سے سمت قبلہ مقرر کر لیتے تھے۔ اب بھی بہت سے عبادت گزار نئی کے مقابلے میں پرانی مسجدوں میں نماز ادا کرنے کو ترجیح دیتے ہیں۔

__________________
جاویداسد