فیصل آباد…فیصل آباد کی صنعتوں کو آج تیسرے دن بھی گیس کی فراہمی بند ہے جس کے باعث یومیہ اجرت پر کام کرنے والے ہزاروں مزدور بے روزگار ہیں ۔۔محکمہ سوئی گیس کی جانب سے فیصل آباد کی صنعتوں کو تین دن کیلئے گیس بند رکھنے کا شیڈول جاری کیا گیا ہے۔ جس کے تحت آج تیسرے روز بھی فیصل آباد کے صنعتی اداروں میں گیس کی فراہمی بند ہے اور پیداواری عمل رکا ہوا ہے۔تین روزہ گیس کی بندش سے یومیہ اجرت پر کام کرنے والے ہزاروں مزدور بے روز گار ہیں ۔آل پاکستان ٹیکسٹائل پروسیسنگ ملز ایسوسی ایشن کا کہنا ہے کہ صدر پاکستان اور وزیر اعظم کے صنعتوں کو پندرہ مارچ سے گیس کی لوڈشیڈنگ ختم کرنے کے اعلان کے باوجود ہفتہ وار تین روزہ گیس بندش صنعتوں کو تباہ کرنے کی سازش ہے اور صرف پنجاب کی صنعتوں کو گیس لوڈشیڈنگ نا انصافی ہے۔
جنگ

__________________
لا فتی الا علیّ لا سیف الاّ ذوالفقار