Fawad

پاکستان ميں امريکی سفارت خانہ منگل کے روز فيصل آباد ميں ہونے والے دہشت گردی کے واقعے کی سختی سے مذمت کرتا ہے جس کے نتيجے ميں دو درجن کے قريب بے گناہ شہری ہلاک ہوۓ۔ ہماری گہری ہمدردياں ان کے ساتھ ہيں جو اس عظيم سانحے سے متاثر ہوۓ ہيں۔

يہ سانحہ معصوم پاکستانی بچوں، مردوں اور عورتوں کے خلاف بلاتفريق دہشت گردی اور قتل و غارت کے سلسلے کی حاليہ کڑی ہے۔ امريکہ پاکستان کے عوام اور حکومت کے ساتھ مل کر پرتشدد دہشت گردی کے خاتمے اور شہريوں کے ليے پرامن اور محفوظ مستقبل کی تعمير کے ليے مل کر کام کرتا رہے گا۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
USUrduDigitalOutreach | Facebook

dxbgraphics

جی ہاں پر امن اور محفوظ مستقبل یعنی ڈرون حملوں کی آڑ میں پختونوں کی نسل کشی، خواتین اور بچوں کی ڈرون حملوں میں ہلاکت ۔ سی آئی اے کے ریمنڈ جیسے ہزاروں ایجنٹ جو پورے پاکستان میں پھیلے ہوئے ہیں اور دہشت گردی کو فروغ دے رہے ہیں اس قسم کی کاروائیوں میں امریکہ کام کرتا رہے گا۔

__________________

dxbgraphics

عراق میں دس لاکھ سے زائد کو قتل کیا۔ افغانستان میں ہزاروں کو قتل کیا۔ پاکستان میں ڈرون حملوں میں ہزاروں کو قتل کیا وہ نظر نہیں آرہا اس کی مذمت تو درکنار اس جانب توجہ ہی نہیں جاتی۔
منافق امریکی حکومت
عنقریب بائبل کی پیش گوئی کے مطابق پانچ چھ حصوں میں تقسیم ہونے والا ہے

کلمہ حق

سب کی جان لے کر ان لوگوں کو کیا ملے گا۔ بازار میں چلتے پھرتے لوگوں نے ان کا کیا بگاڑا ہے؟

مرزا عامر

انہوں نے دہشت گردوں کا یہ بگاڑہ ہے کہ وہ پاکستانی ہیں اور سب سے بڑھ کر مسلمان ۔ اس لیئے ڈورون حملے کر کے بھی انہیں قتل کرو اور ڈورون حملوں کو چھپانے کے لیئے ، ریمنڈ ڈیوڈ جیسے لوگوں کے ذریعے سڑکوں اور بازاروں میں دہشت گردی کر کے اس کا الزام مسلمانوں پر ہی لگا دو ۔ تاکہ یہ آپس میں ہی لڑتے رہیں۔
لیکن اللہ کا شکر ہے کہ جس نے ریمنڈ ڈیوس جیسے لوگوں کا راز فاش کیا

__________________

میں اک دن لَوٹ کے آوں گا

dxbgraphics

یہودو نصاری بے شک مسلمانوں کے بدترین دشمن ہیں

Fawad

ريمنڈ ڈيوس کيس کے حوالے سے بعض راۓ دہندگان کی سوچ خاصی حيران کن ہے۔جس طريقے سے کچھ تجزيہ نگار اندھادھند پاکستان ميں ہونے والی تمام تر دہشت گردی کا ذمہ دار "ريمنڈ ڈيوس جيسے کرداروں" کو قرار دے رہے ہیں، اس سے تو يہ تاثر ملتا ہے کہ وہ کوئ ايسا گمنام شخص تھا جسے اچانک ہی دريافت کر ليا گيا ہے اور اس کی ملک میں موجودگی اور حدودواربعہ کے بارے میں کسی کو بھی کچھ پتا نہيں تھا۔

يقينی طور پر حقيقت يہ نہيں ہے۔ جو شخص اپنے نام کا کارڈ اور اپنے پاسپورٹ کے ساتھ سفر کر رہا ہو وہ کوئ ايسا مشکوک کردار نہيں ہو سکتا جو اپنے آپ کو پوشيدہ رکھنے کی کوشش کر رہا ہو۔ اس کے علاوہ پاکستانی ميڈيا پر جن دستاويزات کو دکھايا گيا ہے اس سے يہ واضح ہوتا ہے کہ پاکستانی اور امريکی افسران کے مابين مراسلے جاری تھے جو اس بات کا ثبوت ہے کہ پاکستانی حکومت اور وزارت خارجہ پاکستانی ميں ان کی موجودگی سے پوری طرح آگاہ تھی۔ بلکہ حکومت پاکستان نے تو انھيں متعلقہ ويزہ بھی جاری کيا تھا۔

جيسا کہ ميں نے پہلے بھی واضح کيا کہ يہ ذمہ داری کلی طور پر پاکستانی حکومت کی ہے کہ وہ امريکی سميت پاکستان کے اندر رہنے اور کام کرنے والے ہر غير ملکی شہری کو ضروری تفتيشی مراحل سے گزارے۔ پاکستان ايک خودمختار ملک ہے جو اس بات کا مکمل اختيار رکھتا ہے کہ کسی بھی غير ملکی شخص کا ويزہ منظور يا مسترد کرے۔ اس کام کی تکميل کے ليے درجنوں کی تعداد ميں حکومتی ادارے اور اہلکار موجود ہيں۔

ميں آپ کو اپنے ذاتی تجربے کی روشنی ميں يہ بتا سکتا ہوں کہ پاکستان کی بے شمار ايجينسياں پاکستان کے اندر موجود ہر غير ملکی کی نقل وحرکت پر نظر رکھتی ہيں۔ يہاں تک کہ ہوٹلز، موٹلز اور گيسٹ ہاؤس بھی اس بات کے پابند ہيں کہ وہ رہائش پذير غير ملکيوں کے کوائف حکومتی اہلکاروں کو مہيا کريں۔ اسی طرح ائرپورٹس پر غير ملکيوں کے کوائف کے حوالے سے سيکورٹی کے انتظامات سے سب واقف ہيں۔

اسلام آباد ميں امريکی سفارت خانے ميں کام کرنے والا ہر شخص رائج عالمی قوانين اور قواعد وضوابط کے عين مطابق کام کر رہا ہے اور اس ضمن ميں امريکی سفارت خانے کو حکومت پاکستان کی مکمل منظوری اور تعاون بھی حاصل ہے۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
USUrduDigitalOutreach | Facebook

مرزا عامر

اللہ کا شکر ہے جس نے راز سے پردہ اٹھا دیا

اداس ساحل

کلمہ حق

فیصل آباد میں پیٹرول پمپ پہ بم دھماکے سے کم سے کم 32 جاں بحق اور 125زخمی۔
دھماکے سے قریبی عمارتوں کوبھی نقصان پہنچا ۔ دھماکہ حساس ادارے کی عمارت کے پاس ہوا لیکن عمارت کو نقصان نہیں پہنچا ۔ بم ایک کار میں نصب تھا جو پیٹرول پمپ میں تھی جو کہ پولیس اسٹیشن اور پی آئی اے کے دفاتر کے پاس ہے۔
طالبان کے نمائندہ احسان اللہ احسن نے بتایا دھماکے کا ہدف آئی ایس آئی کا دفتر تھا۔
فیصل آباد ہی بچا تھا حملوں سے اب وہاں بھی دھشت گردوں نے کر دیا۔
یہ تھریڈ فیصل آباد میں دھماکہ سے متعلق ہے، ریمنڈ ڈیوس کا ذکر کر کے رنگ میں بھنگ مت ڈالیں اور اپنا نیاء تھریڈ کھولیں.

مرزا عامر

تو جہاں جہاں چلے گا میرا سایہ ساتھ ہو گا۔

آپ امریکیوں کے جرائم پر پردہ ڈالو ۔ ہم اس پردے کو پھاڑنے ہر جگہ پہنچ جائیں گے۔

dxbgraphics

تھریڈ فیصل آباد دھماکے سے متعلق ہے ۔ دھماکہ دہشت گردوں نے کیا۔ اور دہشت گردوں سے روابط ہیں ریمنڈ ڈیوس اور اس جیسے ہزاروں امریکی و صہیونی کے۔

کلمہ حق

طالبان نے حملے کی ذمہ داری قبول کی ہے کسی اور نے نہیں اوروہ بھی سب کے سامنے۔ اگر طالبان معصوم ہیں تو انہیں ویڈیو پیغام جاری کرنا چاہیے جس میں وہ یہ کہیں کہ یہ ان کی کاروائی نہیں ہے۔
میں نے کہیں سنا ہے کہ کامن سینس از ناٹ کامن ان کامن پیپل۔

dxbgraphics

جی ہاں آپ نے بلکل درست سنا ہے۔ پاکستانی اداروں کی تفتیش سے بھی ثابت ہوچکا ریمنڈ کا دشت گردوں سے رابطہ رہا ہے۔ ظاہر ہے دال سبزی بیچنے تو آیا نہیں۔


اللہ پاکستان کو قائم و دائم و سلامت رکھے۔ اور پاکستان کے دشمنوں کو ذلیل و خوار کر دے