پشاور…سیکیورٹی فورسز نے گذشتہ دو روز میں مجموعی طور پر168 شدت پسندوں کو گرفتار کیا ہے۔سیکیورٹی فورسز نے ان شدت پسندوں کو سرحد اور درہ آدم خیل سمیت مختلف قبائلیوں علاقوں سے گرفتار کیا ہے۔38 شدت پسندوں کو پولیس اور فرنٹیئر کور نے جمعرات کے روز پشاور اور درہ آدم خیل کے سرحدی علاقے میں چیک پوسٹ پر گرفتار کیا۔ جو تین گاڑیوں میں سوار فرار ہورہے تھے۔ جبکہ سرحد اور مختلف علاقوں سے130 شدت پسندوں کو گذشتہ روز گرفتار کیا گیا ہے۔ گرفتار ہونے والے شدت پسندوں میں ازبک اور افغان شامل ہیں، جن سے تفتیش جاری ہے۔