السلام علیکم !
(ہمارے معاشرے کی ذہنی اور اخلاقی پسماندگی کس نہج پر ہے اس کا اندازہ گزشتہ دنوں میں ہونے والے واقعات سے بخوبی لگایا جا سکتا ہے
کہ زندہ انسان تو غیر محفوظ تھے ہی لیکن اس شعر کے مصداق
مر کے بھی چین نہ پایا تو کدھر جائیں گے
اب مُردوں کو بھی تحفظ حاصل نہیں رہا۔خواتین اور بچوں کی قبروں اور ان کی لاشوں کی بے حرمتی سے ہمارے معاشرے میں پائی جانے والی اخلاقی گراوٹ براءیوں اور بے حیائی میں بے باکی کھل کر سامنے آرہی ہے اللہ نے ہمیں احسن تقویم بنایا اور ہم خود کو اسفل اسافلین میں شامل کررہے ہیں ۔۔۔)

تنظیم المدارس اہلسنت پاکستان کے صدر مفتی اعظم پاکستان مفتی منیب الرحمن نے کہاہے کہ حال ہی میں بڑے پیمانے پر خواتین کی میّتوں کو قبروں سے نکال کر ان کے ساتھ بدفعلی کے واقعات میڈیا کے ذریعے منظر عام پر آئے ہیں ۔اِسی طرح بچوں کی میّتوں کو قبروں سے نکال کر غائب کردینے کے واقعات بھی میڈیا پر نشر ہوئے ہیں ۔یہ دونوں واقعات انتہائی سنگین ہیں ،یہ انتہائی شقاوت اور سنگدلی کا مظہر ہیں اور” فساد فی الارض “کے زُمرے میں آتے ہیں ،لہٰذا ان مجرموں کو منظر عام پر لاکر تعزیراً سزائے موت دی جائے تاکہ لوگ عبرت پکڑیں اور معاشرے میں ایسے سنگین جرائم کا سدِّ باب ہوسکے ۔ان خیالات کا اظہار انہوں نے جمعرات کو اپنے بیان میں کیا۔انہوں نے کہا کہ اسلام قبر اور میت کی حرمت کی تعلیم دیتاہے۔ رسول اللہ ﷺ کی ایک حدیث کا مفہوم ہے کہ ”تم میںسے کسی شخص کا آگ کے کھولتے ہوئے انگارے پر بیٹھنا یہاں تک کہ آگ اس کے کپڑوں کو جلاکر اس کے جسم تک جاپہنچے ،یہ اِس بات سے زیادہ بہتر ہے کہ وہ کسی قبر پر بیٹھے“۔ یعنی قبر کی بے حرمتی کا وبال آخرت میں اِس سے زیادہ ہوگا یا قبر کی بے حرمتی اِس سے زیادہ گھناؤنا فعل ہے ۔حکومت اور عدلیہ کی ذمہ داری ہے کہ اِس رجحان کے مستقل سدّباب کے لیے اِن مجرموں کو عبرت ناک سزائیں دی جائیں۔ مفتی منیب کا کہنا تھا کہ اِس امر کی بھی تحقیق کی بھی ضرورت ہے کہ آیا مردہ بچوں کے اعضا ءکو کسی ٹیچنگ اسپتال کے لیے فروخت کیاگیا ہے ، اگر ایسا ہواہے تو جن لوگوں نے مردہ بچوں کے یہ اعضاءخریدے ہیں ،انہوں نے بھی انتہائی جرم اور سنگدلی کا مظاہرہ کیاہے اور طبّی اخلاقیات کی صریح خلاف ورزی کی ہے ۔ایسے اداروں کے خلاف حکومت اورعدلیہ کو تعزیری کارروائی اور تادیبی اور انضباطی کارروائی کرنی چاہیے ۔اِس سے یہ بھی ثابت ہوتاہے کہ مقامی حکومتوں کے ادارے جن کے ذمے مزارات اور قبرستانوں کی نگرانی ہے ،وہ اپنے فرائض سے غافل ہیں اور ذمہ داران کے خلاف عبرت ناک تادیبی اور انضباطی کارروائی کی جانی چاہیے۔ انہوں نے کہا کہ لینڈ مافیا کے لوگ بھی قبروں کے آثار کو مٹاکر قبضے کرتے رہتے ہیں۔ ضرورت اِس امر کی ہے کہ بڑے شہروں میں تمام نئی کالونیوں اور ہاؤسنگ سوسائٹیوں کے ڈیولپرز کے لیے قبرستان کی جگہ مختص کرنے کی قانونی پابندی لگائی جائے اور اِس کے بغیر کسی بھی نئی ہاؤسنگ اسکیم کی منظوری نہ دی جائے ۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔