28 اگست 2010

اسلام آباد(مانیٹرنگ ڈیسک)وزیر داخلہ رحمن ملک نے کہاہے کہ وہ اجمل قصاب کے بارے میں بھارتی وزیر داخلہ سے بات کریں گے تاکہ پاکستان کا عدالتی کمیشن اس سے بیان لے سکے ۔اسلام آباد میں پاکستان کے بھارت میں ہائی کمشنر شاہد ملک کے ہمراہ میڈیا سے گفتگو کرتے ہوئے اُنہوں نے کہا کہ حکومت نے ممبئی حملہ کیس میں بھارت میں زیر حراست ملزمان سے بیان لینے کے لیے عدالتی کمیشن قائم کرنے کی درخواست دائر کر دی ہے۔جس میں عدالت کو مقدمے کی سنگینی سے آگاہ کرتے ہوئے استدعا کی گئی ہے کہ یہ کمیشن بھارت جا کر ملزمان کا بیان لے تاکہ مقدمے کی کاروائی کو آگے بڑھایا جا سکے۔راولپنڈی کی انسداد دہشت گردی عدالت نے ممبئی حملہ کیس میں ذکی الرحمان لکھوی کی درخواست ضمانت پر فیصلہ محفوظ کر لیا ہے ۔ایف آئی اے کے حکام نے عدالت کو بتایا کہ اجمل قصاب کوبھارت نے پاکستان کے حوالے کرنے سے انکار کردیاہے۔ عدالت کو بتایا گیا کہ اجمل قصاب سے تحقیقات کرنے والے بھارتی افسراں سے ویڈیو کانفرس کی درخواست کی جا رہی ہے۔ مقدمے کی سماعت 18 ستمبر تک کے لیے ملتوی کر دی گئی۔

__________________
جاویداسد