قطر اسپتال میں خواتین کیلئے فیسٹولا کے علاج کیلئے سہولت کی فراہمی



کراچی(اسٹاف رپورٹر) نگراں صوبائی وزیر صحت نے قطر اسپتال میں ویسیکو ریکٹوویجنل فیسٹولاسینٹر کا افتتاح کیا۔ کراچی کے سرکاری اسپتالوں میں قطر اسپتال وہ واحد اسپتال ہے جہاں خواتین کو علاج کیلئے یہ سہولت فراہم کی گئی ہے۔ اس سینٹر کے قیام سے سندھ اور کراچی کے ان تمام خواتین کو جو اس موذی مرض میں مبتلا ہیں آپریشن کی مفت سہولت حاصل ہوسکے گی۔ فوزیہ لاری نے اسپتال کے دیگر شعبوں کا بھی تفصیلی دورہ کیا اور ڈاکٹرز اور دیگر عملے کی محنت کی تعریف کی اور قطر اسپتال کوسندھ کے دیگر اسپتالوں کیلئے ماڈل اسپتال قرار دیا۔وزیر صحت نے قطراسپتال میں نرسنگ اسکول کھولنے کا فوری اعلان کیا۔ بعدازاں وزیر صحت نے کراچی کے سرکاری اسپتالوں میں 1500کمبل تقسیم کئے۔