السلام علیکم،

قطر نے بالآخر تسلیم کر ہی لیا کہ اس کے سینکڑوں فوجیوں نے لیبیا کی احتجاجی تحریک میں لیبیا کے باغیوں کی مددکی ہے۔

اس سے پہلے قطر نے صرف یہ قبول کیا تھا کہ اس کی افواج ناٹو فورسز کی مدد کررہی ہے۔

یہ بات اس وقت سامنے آئی جب قطر نے قذافی حکومت کے بعد ایک کانفرنس کی میزبانی کی جس میں لیبیا این ٹی سی کے مصطفی عبد الجلیل نے کہا کہ قطر نے اس پوری جنگ کے پلاننگ میں ایک اہم کردار ادا کیا ہے اور اس کی کوششوں کی وجہ سے آج ہم قذافی کو ہٹانے میں کامیاب ہوئے ہیں۔

یہ نئی بات بھی سامنے آئی ہے کہ قطر جنگ کے خاتمے کے بعدلیبیا کی فوج کی تربیت کے لیئے بین الاقوامی کوششوں میں اول کردار ادا کرے گا۔

قطر نے اقوام متحدہ میں لیبیا کی حکومت کے خلاف بین الاقوامی قرارداد میں عرب ممالک کی حمایت کے لیئے ایک اہم کردار ادا کیا تھا۔ لیبیا کے باغیوں کو بین الاقوامی قانون کے برخلاف جدید ترین ہتھیار مہیا کیئے جس میں اینٹی ٹینک ہتھیار بھی شامل تھے۔

قطر کی چیف آف اسٹاف کیا بیان ہے کہ ہم ان کے درمیان موجود تھے، ہر خطے میں قطری سینکڑوں کے حساب سے تھے۔ تربیت، روابط اور سپلائی قطری ہاتھوں میں تھی۔ قطرنے اس جدوجہد اور جنگ کو مکمل پلان کیا کیوںکہ باغیوں کی اکثریت سویلین تھی اور فوجی حمکت عملی سے ناواقف بھی۔ لیبیا میں موجود قطری افواج نے ناٹو اور ان باغیوں کے درمیان رابطے کا کام کیا۔

قطری اسپیشل فورسز نے لیبیا کے باغیوں کو توپ خانے کی تربیت ًغربی نفوسا کے پہاڑی علاقوں میں فراہم کی۔ مزید برآں قطری افواج نے لیبیا کے باغیوں کو دوہا میں بھی تربیت فراہم کی۔ اگست میں تریپولی کی آخری جنگ میں قطری اسپیشل فورسز کو انتہائی اگلے دستوں کو طور پر دیکھا گیا۔

تجزیہ نگاروں کا کہناہے کہ قطر کے یہ اقدام دنیا کی نگاہیں بحرین اور سعودی عرب سے ہٹانے کے لیئے تھیں، جہاں حکومت کے خالف تحاریک میں حکومتوں نے اپنے ہی لوگوں کے خلاف سخت ردعمل کا مظاہرہ کیا۔





والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے