قومی آبی پالیسی کی کنسلٹنسی کیلئے پاکستان نے کشن گنگا ڈیم تعمیر کرنیوالی کمپنی ٹھیکا دے دیا

**گلاب خان** · 30-08-10, 03:14 AM

اسلام آباد (خالد مصطفےٰ) معلوم ہوا ہے کہ پاکستان کی وزارت پانی و بجلی کے بااثر حلقوں نے قومی آبی پالیسی کے حوالے سے ماہرانہ رائے کے حصول (Consultancy) کیلئے مقبوضہ کشمیر میں بھارت کی جانب سے متنازع کشن گنگا پاور پروجیکٹ ڈیم کی تعمیر میں اہم کردار ادا کرنے والی کمپنی کو ٹھیکا دیدیا ہے۔ پاکستان نے پہلے ہی کشن گنگا ڈیم کے ڈیزائن پر تحفظات کا اظہار کرتے ہوئے معاملے پر عالمی عدالت انصاف سے رجوع کر رکھا ہے کیونکہ یہ سندھ طاس معاہدے کی خلاف ورزی کے تحت تعمیر کیا گیا ہے۔ ملک کی پارلیمنٹ کی جانب سے نیشنل واٹر پالیسی کی منظوری دینا باقی ہے۔ ایک سرکاری عہدیدار کے مطابق ماہرین کا کہنا ہے کہ اس پالیسی میں غلطیاں ہیں کیونکہ اس میں حالیہ سیلاب جیسی صورتحال اور بجلی کی پیداوار کے حوالے سے جائزہ نہیں لیا گیا۔ اس سلسلے میں حاصل ہونے والی دستاویز کے مطابق وزارت پانی و بجلی کے ایک اعلیٰ عہدیدار (جو اب بھی وزارت میں خدمات انجام دے رہے ہیں) نے اکتوبر 2002ء میں برطانوی کمپنی ہال کرو گروپ لمیٹڈ کو ٹھیکا دیا تھا۔ واضح رہے کہ کشن گنگا ڈیم کی انتہائی تباہ کن خاصیت یہ ہے کہ اس سے بھارت میں کشن گنگا دریا کے نام سے پہچانے جانے والے دریائے نیلم کا راستہ وولر جھیل کی طرف موڑ دیا گیا ہے۔ سرکاری عہدیدار کے مطابق مجوزہ آبی پالیسی کے صفحہ نمبر 232/ میں نیلم ہائیڈرو پاور پروجیکٹ کا ذکر موجود ہے۔ اس کا مطلب یہ ہوا کہ HalCrow Group Ltd کو ملک کے نیلم جہلم ہائیڈرو پاور پروجیکٹ کی اسٹریٹجک اہمیت کا اندازہ ہے۔ پاکستان دریائے نیلم پر 969/ میگاواٹ بجلی پیدا کرنے کیلئے نیلم جہلم ہائیڈرو پاور پروجیکٹ تعمیر کر رہا ہے۔ دریائے نیلم مقبوضہ کشمیر کے راستے پاکستان میں داخل ہوتا ہے۔ ایک اور دستاویز سے معلوم ہوا ہے کہ بھارت ”بجلی سب کیلئے“ کے ایک منصوبے پر کام کر رہا ہے جس کے تحت آئندہ 5 برسوں میں 50/ ہزار میگاواٹ بجلی پیدا کی جائے گی اور کشن گنگا ڈیم اسی منصوبے کا حصہ ہے۔ کشن گنگا ڈیم کی تعمیر کیلئے ہال کرو گروپ لمیٹڈ نے بھارت کی ہندوستان کنسٹرکشن کمپنی کے ساتھ مل کر کام کیا تھا۔ دستاویزات سے معلوم ہوتا ہے کہ پاکستان کے منصوبے کیلئے برطانوی کمپنی اپنے دہلی میں موجود دفتر سے ڈیزائن اور دیگر حسابی اعداد و شمار کا کام کرے گی۔

روزنامہ جنگ کی خبر

**ناصحی** · 30-08-10, 03:43 AM

اقتباس:

اصل مراسلہ منجانب : گلاب خان

دریائے نیلم مقبوضہ کشمیر کے راستے پاکستان میں داخل ہوتا ہے۔

دریائے نیلم پاکستان میں داخل نہیں ہوتا یہ آزاد کشمیر کےشہر مظفرآباد میں دو میل کے مقام پر دریا جہلم میں شامل ہوجاتا ہے۔

اگر ہم آزاد کشمیر کو پاکستان کا حصہ تسلیم کر لیں تو کشمیر کی آزادی کے مسلے یا کیس کو سخت نقصان پہنچتا ہے اسی لیے آزاد کشمیر کی اپنی علحیدہ حکومت ہے۔

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
پاکستان کو سب سے زیادہ نقصان کرپٹ بیورو کریسی نے پہنچایا	ALI-OAD	اپکے کالم	3	23-12-10 10:55 PM
کشن گنگا ڈیم پر ہونیوالے پاک بھارت مذاکرات بغیر کسی نتیجہ کے ختم	Real_Light	خبریں	2	04-06-08 11:24 AM
شاہراہ پاکستان کے تعمیراتی کام میں سست رفتاری پر ٹھیکیدار فرم بلیک لسٹ	عبدالقدوس	خبریں	0	14-04-08 10:41 AM
سرکاری ملازمین کی ترقی سے متعلق پالیسی یکسر تبدیل،پروموشن بورڈز بڑی حد تک غیر متعلق کردیئے گئے,,,,رپور ٹ:… انصار عباسی	خرم شہزاد خرم	خبریں	0	26-10-07 10:57 AM
اوباما کا پاکستان سے متعلق بیان امریکہ کی پرانی پالیسی ہے	پاکستانی	خبریں	0	10-08-07 05:20 PM

Currently Active Users Viewing This Thread: 1 (0 members and 1 guests)