قومی اسمبلی:پیپلز پارٹی 87،ن لیگ66،ق لیگ38،ایم کیو ایم19،اے این پی10،آزاد 27
لاہور (جنگ نیوز) عام انتخابات میں قومی اسمبلی کی 268 نشستوں پر پولنگ ہوئی، 4 نشستوں پر الیکشن ملتوی ہو گئے تھے، 268 میں سے 259 نشستوں کے نتائج کا اعلان ہوا ہے ان میں سب سے زیادہ پیپلز پارٹی نے قومی اسمبلی کی 87، مسلم لیگ (ن) نے 66، مسلم لیگ (ق) نے 38، ایم کیو ایم نے 19، اے این پی نے 10، مجلس عمل (فضل الرحمن) نے 3، مسلم لیگ فنکشنل نے 4، بی این پی (اے) اور پی پی شیر پاؤ نے ایک ایک نشست جبکہ این پی پی نے 2 نشستیں جیتیں اور 27 آزاد امیدوار جیتے ہیں۔ سندھ اسمبلی کی 130 نشستوں پر الیکشن ہوا، نتائج 125 کے ملے ہیں ان میں سب سے زیادہ پیپلز پارٹی نے 65، ایم کیو ایم نے 38، ق لیگ نے 9، مسلم لیگ فنکشنل نے 7، این پی پی نے 3، اے این پی نے 2 نشستیں جیتیں جبکہ ایک آزاد امیدوار جیت گیا۔پنجاب اسمبلی کی 293 نشستوں پر الیکشن ہوئے، اب تک نتائج 285 نشستوں کے ملے ہیں جن میں سب سے زیادہ (ن) لیگ نے 101، پیپلز پارٹی نے 78، ق لیگ نے 66، مجلس عمل نے 2، مسلم لیگ فنکشنل نے 3 نشستیں حاصل کیں جبکہ 35 آزاد امیدوار جیت گئے۔سرحد اسمبلی کی 96 نشستوں پر الیکشن ہوا، 91 کے نتائج ملے ان میں سب سے زیادہ اے این پی نے 31، پیپلز پارٹی نے 17، مجلس عمل نے 9، ق لیگ نے 6، ن لیگ نے 5، پی پی شیر پاؤ نے 5 نشستیں حاصل کیں جبکہ 18 آزاد امیدوار جیت گئے۔

__________________