قومی اسمبلی کا بجٹ 1.80 ارب کرنے کی منظوری، 23 کروڑ کا بوجھ بڑھ گیا

**گلاب خان** · 02-04-11, 06:59 AM

اراکین اسمبلی کے ٹریولنگ الاﺅنس کی شرح دوگنی کر دی گئی، سالانہ 20 فضائی ٹکٹ مفت ملیں گے

اسلام آباد (طاہر خلیل) 18ویں ترمیم کے نتیجے میں قومی اسمبلی پر 23کروڑ روپے کے مالیاتی بوجھ کا اضافہ ہو گیا ہے جس کی وجہ سے قومی اسمبلی کا جاریہ بجٹ ایک ارب57کروڑ سے بڑھا کر ایک ارب 80 کروڑ روپے کرنے کی منظوری دے دی گئی ہے۔ موجودہ مالی سال کیلئے ایک ارب 57 کروڑ روپے کا بجٹ منظور ہوا تھا۔ جو بڑھ کر ایک ارب 80 کروڑ30 ہزار روپے ہو جائے گا۔ قومی اسمبلی کی فنانس کمیٹی کا اجلاس جمعہ کو سپیکر ڈاکٹر فہمیدہ مرزا کی زیر صدارت ہوا جس میں بجٹ پر نظرثانی کا فیصلہ کیا گیا۔ موجودہ مالی سال کے دوران اراکین قومی اسمبلی کی تنخواہوں میں دیگر سرکاری ملازمین کی طرح پچاس فیصد اضافہ کیا گیا تھا جبکہ قومی اسمبلی کے عملے اور ملازمین کی تنخواہوں میں65فیصد اضافہ ہوا تھا۔ یہ اضافہ گزشتہ یکم جولائی سے دیا گیا ہے۔ ملازمین کو50فیصد اضافے کے ساتھ پندرہ فیصد طبی الاﺅنس بھی دیا گیا ہے اب وہ ہسپتال یا پارلیمنٹ ڈسپنسری سے مفت ادویات حاصل نہیں کرسکتے۔ البتہ سنگین بیماری کی صورت میں ہسپتال میں داخلے کی سہولت برقرار رہے گی۔ قومی اسمبلی نے سینٹ کی طرح اپنے اراکین (ایم این ایز) کے ٹریولنگ الاﺅنس (ٹی اے) کی شرح دوگنا کرنے کے فیصلے کی منظوری دے دی ہے۔ اراکین قومی اسمبلی کو پہلے پانچ روپے فی کلو میٹر ٹی اے دیا جا رہا تھا۔ فنانس کمیٹی کے فیصلے کی روشنی میں انہیں دس روپے فی کلو میٹر ٹی اے ملے گا۔ قومی اسمبلی کے ملازمین کو یوٹیلٹی بلوں پر جاری سبسڈی پچیس فیصد سے بڑھا کر 35 فیصدکردی گئی ہے۔ اراکین قومی اسمبلی کو طبی مراعات کا موجودہ نظام جاری رہے گا۔ ذرائع نے بتایا ہے کہ قومی اسمبلی کے بجٹ میں اضافہ بعض ناگزیر وجوہات کی بناء پر کیا گیا کیونکہ 18 ویں ترمیم کی منظوری سے قومی اسمبلی پر مالی وسائل کا بوجھ بڑھ گیا ہے۔ 18 ویں ترمیم سے قبل قومی اسمبلی کے پے رول پر260 اراکین تھے جن کی تنخواہیں۔ ٹی اے ڈی اے اور دیگر مراعات قومی اسمبلی کے بجٹ سے ادا کی جاتی تھیں سولہ وزارتیں ختم اور کابینہ کا حجم مختصر ہونے سے پارلیمانی سیکرٹریز اور وزراء کی تعداد بھی کم ہوگئی ہے اور اس طرح مزید تیس اراکین کی تنخواہوں اور مراعات کی ذمہ داری قومی اسمبلی سیکرٹریٹ پر آپڑی ہے علاوہ ازیں فیصلے کے تحت اراکین کا سالانہ مفت پندرہ فضائی ٹکٹ کی فراہمی کا کوٹہ بڑھا کر بیس مفت فضائی ٹکٹ کر دیا گیا ہے۔ اجلاس میں ریٹائرڈ ملازمین کی دوبارہ تقرریوں کے معاملے کا سپریم کورٹ کے فیصلے کے روشنی میں جائزہ لیا گیا۔ اجلاس کو بتایا گیا کہ ریٹائرڈ ملازمین کی تقرریاں سپریم کورٹ کے فیصلے کی روشنی میں کی گئی ہیں۔ ملازمین کے لئے ایک بس اور وین خریدنے کی منظوری دی گئی۔ اجلاس میں فنانس کمیٹی کے اراکین عظیم دولتانہ، ڈاکٹر نفیسہ شاہ، مسز یاسمین رحمن، چوہدری مسعود مجید، ملک ابرار احمد، خرم دستگیر خان، نقی اجمل خان، نور الحق قادری، سعید احمد ظفر، استقبال خان اور سیکرٹری قومی اسمبلی شریک ہوئے۔

**عبدالقدوس** · 02-04-11, 07:33 AM

چلو جی اور غریب بے چارہ خود ہی ختم ہوجائے گا

**زارا** · 02-04-11, 10:44 AM

غریب طبقہ ہی اثرانداز ہو رہا ہے ان کے اقدامات سے۔

02-04-11, 07:33 AM	#2
عبدالقدوس Administrator تاریخ شمولیت: May 2007 مقام: گوگل عمر: 24 مراسلات: 25,294 کمائي: 2,346,349 شکریہ: 18,821 12,630 مراسلہ میں 29,416 بارشکریہ ادا کیا گیا	چلو جی اور غریب بے چارہ خود ہی ختم ہوجائے گا Share Share this post on Digg Del.icio.us Technorati Twitter Facebook!

02-04-11, 10:44 AM	#3
زارا Senior Member تاریخ شمولیت: Jan 2009 مقام: اللہ کی زمین عمر: 24 مراسلات: 9,854 کمائي: 278,135 شکریہ: 1,155 6,269 مراسلہ میں 14,157 بارشکریہ ادا کیا گیا	غریب طبقہ ہی اثرانداز ہو رہا ہے ان کے اقدامات سے۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
پنجاب اسمبلی: ایک زرداری سوبیماری، سالا مارا بیوی ماری، آصف زرداری، آصف زرداری کے نعرے	گلاب خان	خبریں	3	12-03-11 10:08 PM
خودمختاری، نہیں آزادی، کشمیریوں نے بھارتی پیش کش ٹھکرا دی	جاویداسد	خبریں	1	14-08-10 11:41 PM
زرداری، مکاری اور وفاداری	ابن آدم	سیاست	1	29-03-09 11:09 AM
کراچی، ہنگامہ آرائی، 4 ہلاک، 77 زخمی، آٹھ گاڑیاں نذر آتش	ابن جلال	خبریں	4	30-11-08 10:45 PM
ورسٹائل فنکارہ بننا مشکل سہی، ہدف حاصل کرکے رہوں گی، ماہا	عبدالقدوس	فن و فنکار	0	22-10-07 06:33 PM

Currently Active Users Viewing This Thread: 1 (0 members and 1 guests)