کراچی، جامعہ بنوریہ عالمیہ کے مہتمم و شیخ الحدیث مفتی محمد نعیم نے کہا کہ پاکستانی قوم کو اپنی افواج اور خفیہ ایجنسیوں پر فخر ہے، سیاستدان اور نام نہاد لیڈر مسلح افواج کے خلاف پروپیگنڈہ اور سازشیں بند کریں، قوم یہ کسی صورت برداشت نہیں کرن گے بصورت دیگر قوم ان کا بوریا بسترگول کردین گے، سیاستدانوں اور حکمرانوں نے آج تک ملک وقوم کو مہنگائی، بیروزگاری، لوٹ مار اور کرپشن کے سوا کچھ نہیں دیا ہے، کے ای ایس سی سے چار ہزار سے زائد ملازمین کی جبری برطرفی مزدوروں کا معاشی قتل ہے، غر یبوں اور مزدوروں کی دعویدار حکومت مزدوروں کے تحفظ روزگار کے لئے کے ای ایس سی کو اپنا فیصلہ واپس لینے پر مجبور کرے ۔ انہوں نے کہا کہ بڑھتی ہوئی مہنگائی اور کم تنخواہوں کیوجہ سے لوگ اپنے بھال بچوں کا پیٹ بھرنے کےلئے مفتیان کرام اور اہل مدارس سے چوری وڈکیتی جیسے حرام کام کے جواز کے لئے” فتوی“ مانگ رہے ہیں جبکہ حکمران عوامی مسائل حل کرنے کی بجائے اپنی مدت اقتدار پوری کرنے کے لئے سیاسی شعبدہ بازیوں میں مصروف ہیں، روٹی کپڑا اور مکان کا نعرہ لگا کر برسر اقتدار آنے والی موجودہ حکومت نے غریبوں کے لئے کچھ نہیں کیا اور گزشتہ تین سالہ دور اقتدار میں اس حکومت کا ہر اقدام عوا م کے لئے کسی نئے تازیانہ سے کم نہیں رہے، پی پی کی موجودہ قیادت نے بانی ذوالفقار علی بھٹو کے منشور روٹی کپڑا اور مکان کو عملی جامہ دینے کی بجائے اس کو صرف انتخابی نعرے تک محدود کر دیا ہے، موجودہ مہنگائی اور بیروزگاری کے دور میں سرمایہ داروں کے اس طرح کے ظالمانہ فیصلے عوام کو انقلاب پر مجبور کر دیں گے۔

انہوں سیاستدانوں اور نام نہاد قومی لیڈروں جن کا ایک پاﺅں پاکستان اور امریکا، یورپ اور دبئی میں ہوتا ہے کو مخاطب کرتے ہوئے کہا کہ وہ اپنے غیر ملکی آقاﺅں کی خشنودی کے لئے پاک فوج، خفیہ ایجنسیوں اور قانون نافذ کرنے والے دیگر اداروں کے خلاف پروپیگنڈہ اور سازشیں بند کریں، قوم یہ کسی صورت برداشت نہیں کریں گے، پاکستانی قوم کو اپنی مسلح افواج اور ایجنسیوں پر فخر ہے، جنہوں نے کبھی ملک وقوم کا سود انہیں کیا اور ملک وقوم کی خاطر جان ہتھیلی پر رکھی ہے لیکن دشمن کو کبھی پیٹ نہیں دکھائی۔ مفتی محمد نعیم نے حکومت سے مطالبہ کیا کہ کے ای ایس سی سے کو قومی تحویل میں لیا جائے کیونکہ پرائیوٹائز ہونے کے بعد ادارے کی مینجمنٹ نے سسٹم میں بہتری کی بجائے مزید تباہ کر دیا ہے جبکہ روشنیوں کے شہر کو اندھیرنگری بنا دیا ہے۔ انہوں نے مطالبہ کیا کہ ادارے سے برطرف ساڑھے چار ہزار ملازمین سے ذریعہ معاش چھننے والوں کا احتساب کیا جائے اور برطرف ملازمین کو ان کی نوکریوں پر بحال کیاجائے۔

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر