01 نومبر 2010 34 : 13
اسلام آباد (مانیٹرنگ ڈیسک)سپریم کورٹ نے آئی جی جیل خانہ جات پنجاب کوکب اقبال کی معطلی کا حکم دیدیا ہے۔ یہ حکم چیف جسٹس آف پاکستان نے اڈیالہ جیل سے قیدیوں کو ایجنسیوں کو حوالگی کے مقدمے کی سماعت کے دوران دیا۔ چیف جسٹس نے کہا کہ قیدی بازیاب نہ ہوئے تو آئی جی جیل اور ہوم سیکرٹری جیل جائیں گے۔انہوں نے ہوم سیکرٹری کو حکم دیا کہ آئی جی جیل کو معطل کرکے ان کے خلاف ایکشن لیا جائے۔آئی جی جیل نے موقف اختیار کیا کہ ان قیدیوں کی کڑیاں تحریک طالبان سے ملتی ہیں جس پر چیف جسٹس نے ریمارکس دیے ،کیا قانون یہ ہے کہ آپ فیصلے پر عمل کرنے کی بجائے جرح کریں؟‘چیف جسٹس نے آئی جی جیل خانہ جات کی سرزنش کرتے ہوئے کہا کہ اڈیالہ جیل کے سپرنٹنڈنٹ کی رخصت کا غلط سرٹیفیکیٹ پیش کیا گیا۔

__________________
جاویداسد