ق لیگ میں نومنتخب ارکان کا فاروڈ بلاک بن گیا،ن لیگ سے رابطے
اسلام آباد (جنگ نیوز) سابق وزیراعظم میاں نواز شریف  چوہدری نثار اور سینیٹر اسحاق ڈار سے ق لیگ کے نو منتخب ممبران اسمبلی نے رابطے کئے اورانہیں چوہدری پرویز الٰہی اورچوہدری شجاعت حسین کی زیرصدارت ہونے والے اہم اجلاس میں شرکت نہ کرنے کی یقین دہانی کرائی۔ مسلم لیگ ن کے قریبی ذرائع نے آن لائن کو بتایا کہ لاہور میں ہونیوالی پریس کانفرنس کے دوران میاں نواز شریف نے عندیہ دیا تھا کہ ن لیگ کے مخلص دوست ن لیگ میں واپس آ جائیں۔ ان کیلئے دروازے کھلے ہیں جس کے بعد ق لیگ کے درجنوں نومنتخب ممبران اسمبلی نے میاں نواز شریف  چوہدری نثار  ظفر اقبال جھگڑا  اسحاق ڈار سے ہنگامی رابطے کئے ہیں۔ ذرائع نے بتایا کہ ق لیگ کے اندرفارورڈ بلاک بن گیا ہے جو ق لیگ چوہدری شجاعت حسین اور پرویز الٰہی پر عدم اعتماد کرتے ہوئے مسلم لیگ ن میں شامل ہو جائیگا جبکہ آزاد امیدوار اور عوامی نیشنل پارٹی کے قائدین اور نومنتخب ممبران نے نوازشریف کو اپنی مکمل حمایت کا یقین دلایا ہے ۔

__________________