ق لیگ کے 7نو منتخب اراکین قومی اسمبلی کی نواز شریف سے ملاقات
لاہور (جنگ نیوز) پاکستان مسلم لیگ ق کے سات نو منتخب اراکین قومی اسمبلی نے گزشتہ روز یہاں مسلم لیگ ن کے سربراہ میاں نواز شریف سے ملاقات کی اور ان کا ساتھ دینے کی خواہش کا اظہار کیا ہے ن لیگ کے ذرائع نے اس ملاقات کی تصدیق کرتے ہوئے کہا کہ ق لیگ کے سات سابق ایم این ایز جو موجودہ الیکشن میں بھی کامیاب ہوئے ہیں، انہوں نے میاں نواز شریف سے کہا کہ وہ پیپلزپارٹی کی بجائے مسلم لیگ ن میں شامل ہونے کو تیار ہیں اور وہ میاں نواز شریف کی پالیسیوں کی حمایت کرتے ہیں اور چاہتے ہیں کہ ملک میں جمہوری عمل فروغ پائے، ذرائع کے مطابق ق لیگ کے ان اراکین قومی اسمبلی نے یہ بھی درخواست کی کہ ان کے نام صیغہٴ راز میں رکھے جائیں اور وہ مسلم لیگ ن میں شمولیت کا باقاعدہ اعلان پریس کانفرنس میں بعد میں کریں گے۔

__________________