امریکہ میں علاج معالجے کی اعلیٰ ترین سہولتیں موجود ہیں لیکن اس سے صرف وہی لوگ استفادہ کرسکتے ہیں جن کے پاس ہیلتھ انشورنس ہو۔ لیکن بدقسمتی سے امریکہ میں ایسے افراد کی تعداد کروڑوں میں ہے جو اپنے کم تر مالی وسائل کے باعث ہیلتھ انشورنس کی استطاعت نہیں رکھتے۔ ایسے افراد کو بیمار ہونے کی صورت میں شدید مشکلات کا سامنا کرنا پڑتاہے۔

امریکی ریاست نیواڈا کے شہر لاس ویگاس میں کچھ پاکستانی ڈاکٹروں نے ایسے ہی لوگوں کی مدد کا بیڑہ اٹھایا ہے جن کے پاس اپنے علاج کے لیے مالی وسائل نہیں ہیں۔ پاکستانی ڈاکٹروں کے اس پروجیکٹ سے صرف مسلمان ہی نہیں بلکہ مقامی امریکی بھی مستفید ہورہے ہیں۔

ان مستحق مریضوں کے علاج معالجے کے اخراجات کے مالی وسائل ایک مقامی اسلامی تنظیم مہیا کرتی ہے جبکہ دواؤں کی فراہمی ڈاکٹروں کے ذمے ہے ۔ اس وقت یہ کلینک ہفتے میں دودن کام کرتا ہے اور منتظمین اس میں اضافہ کرنا چاہتے ہیں۔

__________________