بلوچستان میں بھی پاکستان مخالف تحریری مواد پھیلا رہا ہے‘ میجر جنرل اطہر عباس
اسلام آباد (جنگ نیوز) پاک فوج کے ترجمان میجر جنرل اطہر عباس نے کہا ہے کہ بھارت پاکستان کے شہری علاقوں میں دہشت گردی میں ملوث عناصر کی معاونت کر رہا ہے۔ قطر کے اخبار گلف نیوز کے مطابق انہوں نے کہا ہے کہ بھارت جانتا ہے کہ پاکستان قبائلی علاقے میں دہشت گردی کی جنگ میں مصروف ہے بھارت پاکستان کے شہری علاقوں میں شورش کو ہوا دے رہا ہے۔ گلف نیوز کے مطابق پاکستان کے انٹیلی جنس اور فوجی حکام کا کہنا ہے کہ بھارت پاکستان کے ساتھ خطرناک کھیل رہا ہے کراچی اور لاہور کے بم دھماکوں میں بھارت کے ملوث ہونے کے ثبوت ہیں، پاکستان کو غیر مستحکم کرنے کیلئے کراچی میں انتہاءپسند گروپ بھارت سے اسلحہ اور فنڈز لے رہے ہیں۔ حکام کو یقین ہے کہ پاکستان کے بڑے شہروں میں دہشت گردی اور ٹارگٹ کلنگ کے پیچھے بھارت کا ہاتھ ہے۔ پاکستان اور بھارت کے درمیان عنقریب شروع ہونے والے دو طرفہ اعلیٰ سطح کے مذاکرات سے قبل پاکستان کی خفیہ ایجنسیوں اور فوجی حکام نے کہاکہ بھارت انتہاءپسند گروپوں کی حمایت کرکے خطرناک گیم کھیل رہا ہے۔ پاک فوج کے ترجمان کا مزید یہ بھی کہنا تھا کہ بھارت مبینہ طور پر پاکستان میں انتہاءپسندوں کو اسلحہ اور رقم فراہم کرنے کے ساتھ ساتھ افغانستان سے ملحق صوبہ بلوچستان میں پاکستان مخالف تحریری مواد بھی پھیلا رہا ہے۔ پاکستانی خفیہ ایجنسی آئی ایس آئی اور فوج کے اعلیٰ حکام نے گلف نیوز کو انٹرویو دیتے ہوئے کہاکہ پاکستان کے بڑے شہروں کراچی اور لاہور کے بم دھماکوں میں بھارت کے ملوث ہونے کے ٹھوس شواہد موجود ہیں۔ آئی ایس آئی کے اعلیٰ عہدیدار نے کہاکہ بھارت پاکستان کو غیر مستحکم کرنے کیلئے کراچی میں انتہاءپسند گروپوں کو فنڈز اور اسلحہ فراہم کر رہا ہے۔ خاص کر مزارات پر ہونے والے حملوں کا مقصد مذہبی فرقہ واریت کو ہوا دینا ہے پاکستانی انٹیلی جنس کے عہدے دار نے نام نہ ظاہر کرنے کی شرط پر اخبار کو بتایا کہ کراچی میں پاکستان کےلئے مسائل پیدا کرنے کیلئے لوگ بھارت سے پیسہ لے رہے ہیں۔
روزنامہ جنگ راولپنڈی
29-01-11, 03:28 AM
29-01-11, 03:28 AM
Linear Mode
Similar Threads
