لاہور: لاہور الیکٹرک سپلائی کمپنی کے حکام نے بجلی کی چوری پر قابو پانے میں ناکامی پر تین ایگزیکٹو انجینئرز اور بائیس ایس ڈی اوز کو معطل کردیا ہے۔ لاہور میں جاری کئے گئے نوٹیفکیشن کے مطابق لیسکو کے جن افسروں کو معطل کیا گیا ہے، ان میں شالامار، کوٹ لکھپت اور علامہ اقبال ٹاؤن ڈویژنوں کے ایکس ای اینز چوہدری طارق، راجہ لیاقت اور قطب نثار شامل ہیں۔

بجلی کی لوڈ شیڈنگ اور چوری بڑھنے کی بناء پر بائیس ایس ڈی اوز کو بھی معطل کردیا گیا ہے۔ نوٹیفکیشن کے تحت لیسکو اوکاڑہ سرکل کے سپرنٹنڈنٹ انجینئرز کو ہیڈ آفس تبدیل کردیا گیا ہے۔ کمپنی کے چیف ایگزیکٹو آفیسر اکرم آرائیں نے کہا ہے کہ سرکل سے سب ڈویژن تک کی کارکردگی کا ہر ماہ جائزہ لیا جائے گا۔