لاہور… مسلم ٹاون انڈر پاس کے نزدیک ایک تیز رفتار کار موٹر سائیکل کو بچاتے ہوئے کھمبے سے ٹکرا گئی کار میں سوار دو افراد ہلاک جبکہ تین زخمی ہوگئے، کار میں سوار پانچ افراد میں سے ایک نوجوان لڑکی سحرش اور عرفان ہلاک جبکہ تین نوجوان زخمی ہوگئے۔کار میں سوار ایک زخمی کے مطابق کار میں پانچ افراد تھے جو سمن آباد شادی کی تقریب سے گھر واپس جا رہے تھے کہ مسلم ٹاون انڈر پاس کے نزدیک ایک موٹر سائکل کو بچاتے ہوئے کار بجلی کے کھمبے سے ٹکرا کر الٹ گئے ۔۔ہلا ک اور زخمی ہونے والے افراد کی عمریں 20سے 25سال کے درمیان ہیں۔زخمیوں کو سروسزاسپتال میں داخل کر دیا گیاہے جبکہ ہلاک ہونے والے افراد کو پوسٹ مارٹم کے بعد انکے لواحقین کے سپرد کر دیا جائے گا۔