کراچی (پ ر) مہاجر قومی موومنٹ کے سینئر وائس پریذیڈنٹ اقبال قریشی نے لاہور میں ہونے والے خودکش بم دھماکے کی شدید مذمت کرتے ہو ئے کہا ہے کہ پولیس اہلکاروں سمیت 25/ افراد کی ہلاکت ایک اور بڑا سانحہ ہے، دریں اثناء مہاجر قومی موومنٹ کا ایک اہم اجلاس 9/ اور 10/ جنوری کو ہوا جس کی صدارت سینئر وائس پریذیڈنٹ اقبال قریشی نے کی۔ اجلاس میں یونس خان، آصف شہریار، ظفر عزیز، فیروز حیدر، کامران رضوی سمیت سنٹرل ایگزیکٹو کمیٹی کے تمام اراکین اور مہاجر قومی موومنٹ کے ذیلی اداروں کے انچارجز نے بھی شرکت کی، اس موقع پر اقبال قریشی نے ماہ محرم کے آغاز پر کراچی و حیدرآباد میں مہاجر کارکنان اور ہمدردوں کو ہدایت جاری کی ہیں کہ وہ محرم کے پہلے عشرے میں ماضی کی طرح جلوس اور مجالس کا احترام کرتے ہوئے اپنی سابقہ روایات کو برقرار رکھیں۔