پاکستان کے صوبہ پنجاب کے وزیر اعلٰی شہباز شریف نے صوبائی دارالحکومت لاہور میں خواتین کے لیے الگ بس سروس شروع کرنے کا اعلان کیا ہے۔
انہوں نے یہ اعلان لاہور میں نئی اربن ٹرانسپورٹ بس سروس میں سفر کے دوران خواتین سے بات کرتے ہوئے کیا۔
وزیر اعلٰی شہباز شریف بس میں سوار خواتین مسافروں کو بتایا کہ صوبائی حکومت بہت جلد خواتین کے لیے علیحدہ بس سروس شروع کرے گی۔
شہباز شریف نے بدھ کے روز لاہور کے علاقے ماڈل ٹاون سے حکومت پنجاب کی طرف سے شروع کی جانے والی نئی اربن ٹرانسپورٹ کی بس میں سفر کیا اور دیگر مسافروں کی طرح بس کا ٹکٹ بھی لیا۔
دوران سفر بس وزیر اعلٰی نے مسافروں سے بات کی اور نئی بسوں کے بارے میں ان سے معلومات حاصل کیں۔ مسافروں نے شہباز شریف سے مطالبہ کیا کہ لاہور میں مزید نئی بسیں چلائی جائیں۔
وزیراعلیْ پنجاب نے مسافروں کو یقین دہانی کرائی کہ حکومت عوام کو معیاری ٹرانسپورٹ فراہم کے لیے اقدامات کررہی ہے ۔ انہوں نے اعلان کیا کہ لاہور میں مزید بسیں فراہم کرنے کے ساتھ ساتھ صوبے کے دیگر شہروں میں بھی جدید ٹرانسپورٹ کا جال پھیلایا جائے گا۔
وزیر اعلٰی پنجاب شہباز شریف نے پندرہ روز قبل لاہور کے لیے چین سے خریدی گئی نئی سی این جی بسوں کا افتتاح کیا تھا۔ صوبائی حکومت کے مطابق لاہور شہر کے لیے ایک سو گیارہ بسیں خریدنے کا معاہدہ ہوا ہے اور پہلے مرحلے میں چھپن سی این جی بسیں چلائی گئی ہیں۔

ح

__________________
اے ایمان والو اللّٰہ سے ڈرو اور اسکی طرف وسیلہ ڈھونڈو (جس کی بدولت تمہیں اس کا قُرب حاصل ہو ) اور اس کی راہ میں جہاد کرو اس امید پر کہ فلاح پاؤ (المائدہ 35)