بیروت(اے این این)15 مئی کو فلسطین پر اسرائیلی قبضے کو 63 سال مکمل ہو جائیں گے، 1948 میں فلسطینیوں کے لیے نکبہ یا مصیبت بن کر آنے والے اس دن کی یاد میں اپنے فلسطینی بھائیو ںکے ساتھ اظہار یک جہتی میں لبنانی عوام نے فلسطین ۔ لبنان سرحد کی جانب مارچ کا فیصلہ کیا ہے۔ فلسطین کے ہمسایہ دیگر عرب ممالک کی جانب سے بھی اس موقع پر مظاہرے نکالے جار ہے ہیں، پروگرام کے مطابق فلسطین کے ہمسایہ ممالک کے عوام اس روز فلسطین کے سرحدات پر کھڑے ہوکر پورے فلسطین کے گرد طوق بنا کر اپنے جذبات کا اظہار کرینگے۔ لبنان میں بنائے گئے پروگرام کی تفصیلات کے مطابق ان مظاہروں میں لبنان اور فلسطین کی کئی غیر سرکاری تنظیمیں بھی اپنا حصہ ڈالیں گیں، ان مظاہروں میں حماس کے رہنما علی برکہ اور مارچ کے کوآرڈینیٹر ھانی سلیمان یھی شامل ہونگے۔ مرکز اطلاعات فلسطین کے مطابق مارچ کی تیاریوں کے لیے بنائی گئی کمیٹی کے سربراہ خالد زیدان نے کہا کہ یہ مارچ فلسطینیوں کے نکبہ کی یاد میں نکالے جائیں گے جس کا مقصد یہ باور کرانا بھی ہے کہ فلسطینی پناہ گزینوں کو واپس غزہ جانا ہوگا۔ 15 مئی کو حق واپسی مارچ بھی فلسطینی سرحدات کا رخ کریگا جس میں بہت سی قومی اور عالمی تنظیمیں، ادارے، ایسوسی ایشن اور معروف شخصیات شرکت کرینگی۔ لبنان کے مختلف علاقوں اور فلسطینی کیمپوں سے انسانی حقوق کے سرگرم کارکن بھی شرکت کریں گے۔ یہ مارچ بھی مختلف عرب ممالک میں اسرائیلی سفارت خانوں کی جانب نکالے جانے والے مظاہروں کے ساتھ اظہار یک جہتی میں نکالا جائے گا۔ 63 ویں یوم نکبہ کے موقع پر ان احتجاجی مظاہروں لبنان میں مقیم فلسطینی پناہ گزینوں کی واپسی پر زور دینا بتلایا گیا ہے۔ بیان میں کہا گیا ہے کہ تمام فلسطینیوں پناہ گزینوں کی اپنے وطن واپسی ان کا ایک تاریخی، شرعی حق ہے جس سے انہیں کوئی قوت دستبردار نہیں کر سکتی۔
اوصاف

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات