16 نومبر 2010
کوئٹہ (مانیٹرنگ ڈیسک)پیپلز پارٹی بلوچستان کے صدر نوابزادہ لشکری رئیسانی نے پارٹی کی صوبائی صدارت سے مستعفی ہونے کا اعلان کر دیاہے۔ اے آر وائی نیوز کے مطابق انہوں نے کہا کہ پارٹی بد نظمی کا شکار ہے اوربعض کارکن خود کو پارٹی سے بالاتر سمجھتے ہیں۔انھوں نے بتایا کہ وہ اس حوالے سے کئی بار مرکزی قیادت کو آگاہ بھی کرچکے ہیںاور یہی وجہ ہے کہ وہ پارٹی کو مزید نہیں چلا سکتے۔ ذرائع کے مطابق لشکری رئیسانی نے اپنا استعفیٰ پارٹی کے شریک چیئرمین صدر آصف علی زرداری، جہانگیر بدر اور رضا ربانی کو ارسال کر دیا ہے۔ لشکری رئیسانی اپریل دو ہزار نو میں بھی صوبائی صدارت سے مستعفی ہونے کا اعلان کرچکے ہیں۔

__________________
جاویداسد