بینظیر قتل کیس میں جاری ہونیوالے وارنٹ پاکستانی ہائی کمیشن کو دو روز قبل موصول ہوئے تھے
لندن( ٹی وی رپورٹ) برطانیہ میں پاکستانی ہائی کمیشن نے پرویزمشرف کے وارنٹ گرفتاری برطانوی حکام کے حوالے کردیئے ہیں۔ ذرائع کے مطابق یہ وارنٹ بینظیر قتل کیس میں جاری کیاگیا ہے ۔ گرفتاری کے وارنٹ دو روز پہلے ہائی کمیشن کو موصول ہوئے تھے اور ہائی کمیشن حکام نے وارنٹ برطانوی حکام کو بھیج دیئے۔ ذرائع کے مطابق پرویز مشرف گزشتہ چند ہفتوں سے دبئی میں ہیں۔ فی الحال یہ نہیں پتا کہ یہ وارنٹ دبئی بھیجے جائیں گے یا نہیں جبکہ دیگر ذرائع کے مطابق یہ وارنٹ دبئی نہ بھیجنے کا فیصلہ کرلیا گیا ہے۔