لاڑکانہ + کراچی (نمائندہ خصوصی + سٹاف رپورٹر + این این آئی) سندھ نیشنل فرنٹ کے چیئرمین ممتاز علی بھٹو نے کہا ہے کہ بیگم نصرت بھٹو کو زرداری نے یرغمال بنایا ہوا تھا‘ انہیں آصف زرداری کے آدمی اٹھا کر لے گئے تھے اور نرسوں کے حوالے کر دیا۔ میڈیا سے گفتگو کرتے ہوئے انہوں نے کہا کہ آصف زرداری بھٹو خاندان کی جان چھوڑ دیں‘ کہاں بھٹو خاندان اور کہاں زرداری توبہ توبہ۔ ہماری روایات میں نواسے کی جگہ پوتا وارث ہوتا ہے۔ انہوں نے کہا کہ بیگم نصرت بھٹو ہمارے خاندان کی اہم فرد تھیں‘ ہمیں ان سے بہت زیادہ پیار اور محبت تھی۔ انہوں نے کہا کہ نصرت بھٹو کو میر مرتضی بھٹو کی شہادت کے بعد علاج کے نام پر لے جایا گیا ان کو کیا بیماری تھی ان کی تیمارداری کس نے کی ہمیں تو لگتا ہے کہ نصرت بھٹو کو قتل کیا گیا ہے اور ہم سوچ رہے ہیں کہ اس سلسلے میں ہائی جوڈیشل انکوائری کرانے کا مطالبہ کیا جائے۔ نصرت بھٹو نے اپنے شوہر‘ دو بیٹوں اور ایک بیٹی کے نقش قدم پر چلتے ہوئے جمہوریت کے لئے اپنی جان قربان کی۔ قذافی سٹیڈیم میں انہیں لگنے والی لاٹھیاں جان لیوا ثابت ہوئیں۔ یہ لاٹھیاں لگنے سے خطرناک مرض لاحق ہوا جو بالآخر جان لیوا ثابت ہوا۔ ذوالفقار علی بھٹو کا گھر المرتضی ہاوس ابھی قائم ہے جس میں اس کی بہو اور پوتے پوتیاں رہتے ہیں‘ اگر ان کا جنازہ المرتضی ہاوس سے اٹھتا تو روایتی ہوتا‘ ہم تدفین میں شرکت کرنا چاہتے تھے مگر سکیورٹی حصار نے ہمیں آنے نہیں دیا‘ ہمیں المرتضی ہاوس پر ہی محصور رکھا گیا۔ بھٹو صدر اور وزیراعظم ہو کر اکیلے پھرتے تھے زرداری کے سر پر سینگ نہیں لگے وہ بھی عوام میں آ سکتے ہیں‘ نصرت بھٹو کا جنازہ سرکاری فنکشن تھا۔ دریں اثنا ممتاز بھٹو اور سندھ اسمبلی کی سپیکر شہلا رضا کے درمیان تنازعہ کھڑا ہو گیا ہے شہلا رضا نے ممتاز بھٹو کے بیانات کو شرمناک قرار دیا جس پر ممتاز بھٹو کے ترجمان نے کہا کہ وہ شائستہ زبان اختیار کریں۔
Nawaiwaqt eNewspaper - A house of quality news content | Urdu News | Pakistan News | Nawaiwaqt |

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔