اسلام آباد (نمائندہ جنگ) موبی لنک کے چیف ایگزیکٹو اور صدر زبیر اے خالق نے کہا ہے کہ لیڈی ہیلتھ وزیٹرز کی کارکردگی بڑھانے سے دیہات میں صحت کے مسائل کم ہوسکتے ہیں اس طرح معاشرتی و سماجی شعبہ کی ترقی ممکن ہوجائے گی۔ موبی لنک وزارت صحت اور عالمی اداروں کے تعاون سے ملک بھر کی دیہی آبادی میں صحت کی جدید سہولتیں فراہم کرتی رہے گی اس کا اظہار وزارت صحت جی ایس ایم ایسوسی ایشن اقوام متحدہ کے محکمہ بہبود آبادی اور موبی لنک کے درمیان پائلٹ پراجیکٹ معاہدہ پر دستخط کے موقع پر صحافیوں سے خطاب کررہے تھے زبیر خالق نے کہا کہ ابتدائی طور پرچکوال اور مظفر گڑھ میں آزمائشی طور پر شروع کیا جائے گا جس کی کامیابی کے بعد پورے ملک میں پھیلایا جائے گا اس طرح لیڈی ہیلتھ وزیٹرز کی کارکردگی میں نمایاں اضافہ ہوگا۔