واشنگٹن (جنگ نیوز) سافٹ ویئر بنانے والی دنیا کی سب سے بڑی کمپنی مائیکرو سافٹ کے بانی 27 جون کو کمپنی کے ایگزیکٹو چیئرمین کے عہدے سے سبکدوش ہو جائیں گے۔ جمعہ کو امریکی ذرائع ابلاغ کے مطابق بل گیٹس اور ان کی اہلیہ میلنڈا گیٹس نے کمپنی کے 58 ارب ڈالر کے اثاثے اپنے بچوں کی بجائے خیراتی ادارے کو عطیہ کرنے کا اعلان کیا ہے۔ بل گیٹس کا کہنا ہے کہ وہ دنیا بھر میں صحت عامہ اور تعلیم کے فروغ کیلئے اپنی دولت خرچ کریں گے۔ واضح رہے کہ بل گیٹس نے مائیکرو سافٹ کی بنیاد 1975ء میں رکھی تھی اور وہ اس کی سربراہی سے آئندہ جمعہ کو سبکدوش ہو ر ہے ہیں۔