لا ہور(خبرنگار)مسلم لیگ ن کے صدر میاں نواز شریف نے کہا ہے کہ قومیں جمہوریت سے ہی ترقی کرتی ہیں ۔ ملک میں ما رشل لا کی کوئی گنجائش نہیں ۔لاہور میں فیصل آباد کے ارکان اسمبلی اور عہدیداروں کے اجلاس سے خطاب کرتے ہوئے نواز شریف نے کہا کہ کسی نے بھی مارشل لا لگانے کی کوشش کی تو عوام مذاحمت کریں گے .انہوں نے کہا کہ تبدیلی کا نعرہ لگانے والوں کو اس کے مطلب کا ہی پتہ نہیں ۔ ایسے نعرے لگانے والے اپنے گریبانوں میں جھانکیں ۔ نواز شریف نے فیصل آباد میں چو دھری شیر علی اور رانا ثنا اللہ گروپوں میں اختلاف ختم کراتے ہوئے کہا کہ کارکن اور رہنما باہمی اختلافات دور کر کے ذمہ داریوں پر توجہ دیں ۔ نواز شریف کی ہدایت پر رانا ثنا اللہ اور عابد شیر علی نے اختلافات بھلا کر صلح کر لی ۔ رانا ثنا اللہ نے کہا ہے کہ عابد شیر علی چھوٹا بھائی ہے اور وہ آج شام کو ان کے گھر جائیں گے، پاکستان مسلم لیگ ن کے قائد میاں محمد نواز شریف نے کہا ہے کہ ملک میں حکومت اور جمہوریت دونوں چیزیں نظر نہیں آرہیں، ملکی ادارے کنگال اور حکمران خوشحال ہوگئے ہیں، ملک اندرونی اور بیرونی مشکلات کا شکار ہے، ان حالات میں ملک کی بھاگ دوڑ محفوظ ہاتھوں میں ہونی چاہئے، نوجوانوں کی اکثریت ہمارے ساتھ ہے، پاکستان کی 18 کروڑ عوام کی حکمرانی ہمارا مشن ہے، اس پر ہم کوئی سمجھوتہ نہیں کرسکتے، ہم اصولوں کی سیاست کرتے ہیں، اصولوں پر نہ پہلے کبھی سودے بازی کی اور نہ ہی اب کریں گے۔ انہوں نے مزید کہا کہ ملک حکومتی کرپشن کی وجہ سے کھوکھلا ہورہا ہے جس کی وجہ سے کرپٹ حکمرانوں کو مزید مہلت دینا ملک وقوم کے مفاد میں نہیں ہے، ملک کو بچانے اور قوم کو نااہل کرپٹ حکمرانوں سے نجات دلانے کی تحریک ضرور کامیاب ہوگی، ہم جمہوری عمل کے ذریعے اس ملک میں مثبت تبدیلی کے خواہاں ہیں، اس کرپٹ سسٹم سے ناجت کیلئے عوام کو باہر نکلنا ہوگا، عوام اب حکمرانوں کو بھاگنے کا موقع نہیں دے گی اور ان کا احتساب کرے گی۔ عوامی طاقت سے کرپٹ حکمرانوں کو چلتا کریں گے، ملک میں تاریخی مہنگائی، لوڈشیڈنگ، لوٹ مار اور بدامنی کی وجہ سے غریب آدمی خودکشیوں پر مجبور ہیں، ملک میں لاہور جلسے کے بعد سیاسی تبدیلی کا آغاز شروع ہوچکا ہے، اب عوامی طاقت روکنا حکومت کے بس کی بات نہیں رہی، انہوں نے سابق گورنر سندھ اور صوبائی رہنما ممنون حسین اور زاہد بلوچ کو یقین دلایا کہ وہ جلد سندھ کا دورہ کریں گے انہوں نے مزید کہا کہ حکمرانوں نے سندھ کی عوام کو ڈاکوئوں کے رحم وکرم پر چھوڑ دیا ہے، کرپٹ سیاست دانوں سے نجات ضروری ہوگی، سندھ ن لیگ کے شیدائوں کا صوبہ ہے، سندھ کی عوام کو تنہا نہیں چھوڑ سکتے ان کے حقوق کیلئے ہر سطح پر آواز اور جدوجہد جاری رکھیں گے۔ 20 نومبر فیصل آباد جلسہ حکمرانوں کو ہلا کر رکھ دے گا اور عوامی انقلاب کو کوئی نہیں روک پائے گا ،انہوں نے کارکنان پر زور دیا کہ وہ دھمکیوں، آفس نذر آتش کرنے جیسے اوچھے ہتھکنڈوں سے نہیں گھبرائیں اور متحد ہوکر عوامی خدمت سرانجام دیں۔دریں ا ثناء مسلم لیگ (ن) کے قائدمحمد نواز شریف نے ہفتہ کی دوپہر اپنی رہائش گاہ ماڈل ٹائون لاہورپر فیصل آباد کے لیگی ممبران قومی و صوبائی اسمبلی ، ٹکٹ ہولڈرز اور پارٹی عہدیداران کے اعزا ز میں ظہرانہ دیا جبکہ اس موقع پرنہ صرف مسلم لیگ (ن) فیصل آباد کی تنظیم میں پائی جانے والی دھڑا بندی کے خاتمہ کو یقینی بنانے کی ہدایت کی گئی بلکہ 20نومبر کو فیصل آباد میں منعقد ہونے والے مسلم لیگ (ن) کے جلسہ اور اس سے مرکزی قائدین کے خطاب کے بارے میں بھی حکمت عملی کو حتمی شکل دی گئی

__________________
اے ایمان والو اللّٰہ سے ڈرو اور اسکی طرف وسیلہ ڈھونڈو (جس کی بدولت تمہیں اس کا قُرب حاصل ہو ) اور اس کی راہ میں جہاد کرو اس امید پر کہ فلاح پاؤ (المائدہ 35)