ماسکو میں بارہواں بین الاقوامی مقابلہ قرآت قران ہوا جس میں ایشیا، یورپ، امریکہ، کینیڈا اور افریقہ کے نمائندوں نے حصہ لیا۔ یہ اس مقابلے کی بارہ سالہ تاریخ کی ریکارڈ شرکت تھی۔
مقابلہ قرآت قرآن کے افتتاحی خطاب میں روس کے مفتیوں کی کونسل کے سربراہ شیخ روایِل گین الدین نے کہا: "ہم نے دنیا کے مختلف حصوں سے قابل تعریف قرآء کو ماسکو میں مدعو کیا ہے تاکہ وہ قرآن کے حسن کو لوگوں پر آشکار کریں"۔

اس طرح کا پہلا مقابلہ سن دو ہزار میں ہوا تھا جس میں ماسکو کے مدرسوں اور مکاتب کے طلبہ نے حصہ لیا تھا۔ صرف تین برس بعد اس مقابلے کا ربتہ علاقائی سطح تک جا پہنچا۔ سن دو ہزار پانچ میں یہ کل روسی مقابلہ ہو گیا اور سن دو ہزار سات میں اس کی حیثیت بین الاقوامی ہو گئی۔

اس بار مقابلے میں پہلا مقام فلسطین کو، دوسرا مراکش کو اور تیسرا سعودی عرب کو حاصل ہوا۔

__________________