مالیاتی منڈیوں میں سرمایہ کی کثرت تیل کی قیمت بڑھنے کا سبب بنی،ایران



تہران (جنگ نیوز) ایران نے کہا ہے کہ اس وقت عالمی منڈی میں تیل کی سپلائی کی صورتحال انتہائی متوازن ہے اور قیمتوں میں اضافہ مالیاتی منڈیوں میں سرمایہ کی کثرت کی وجہ سے ہورہا ہے۔ یہاں ایک انٹرویو میں ایران کی سرکاری تیل کمپنی کے ڈائریکٹر برائے بین الاقوامی امور حجة اللہ غنی مفرد نے کہا ہے کہ اس وقت تیل کی قیمتوں میں جو اضافہ دیکھنے میں آرہا ہے اسے کنٹرول کرنے کیلئے مالیاتی منڈیوں کی صورتحال کو بہتر بنانا ہوگا۔ انہوں نے کہا کہ تیل کی قلت قیمتوں میں اضافے کا سبب نہیں اور تمام ممالک کو قیمتوں میں اضافے کو روکنے کیلئے مالیاتی حکمت عملی کو بہتر بنانا ہوگا۔ انہوں نے کہا کہ اس وقت مارکیٹ میں وافر مقدار میں تیل موجود ہے اور ہماری کوشش ہوگی کہ آئندہ بھی اوپیک ممالک کے ساتھ مل کر تیل کی سپلائی کی صورتحال موجودہ سطح پر برقرار رہے۔