08 ستمبر 2010
نئی دہلی(نیٹ نیوز)بھارت کے سنٹرل وجی لینس کمیشن کے سبکدوش ہونے والے سربراہ پراتی یش سہنا نے کہا ہے ایک تہائی بھارتی شہری انتہائی کرپٹ ہیں ۔ وجی لینس کمیشن بھارت میں بدعنوانی کی روک تھام کے لئے قائم ہے۔ سہنا نے کہا اس ناشکر گزار نوکری میں میرا تجربہ دیکھتا رہا کہ کس طرح کرپشن میں اضافہ ہو رہا ہے اور لوگ کتنے مادہ پرست بن رہے ہیں۔ مجھے یاد ہے جب ہم بچے تھے تو جب کسی شخص کے بارے میں کہا جاتا تھا کہ وہ کرپٹ ہے تو وہ منہ چھپاتا پھرتا تھا ۔ اسے سماجی برائی سمجھا جاتا تھا مگر اب ایسا نہیں ہے ۔ ٹرانسپیرنسی انٹرنیشنل کے مطابق بھارت دنیا کے کرپٹ ملکوں میں84ویںدرجے پر ہے ۔ اس ادارے کا کہنا ہے ہر سال کروڑوں بھارتی شہریوں کو بنیادی شہری سہولتوں کے حصول کے لئے سرکاری حکام کو رشوت دینی پڑتی ہے ۔ سہنا نے کہا صرف بیس فیصد بھارتی شہری ایماندا ر ہیں ۔ آج کے بھارت میں جس کسی کے پاس بہت روپیہ ہے ،اس کی عزت کی جاتی ہے، کوئی نہیں پوچھتا یہ دولت کہاں سے آئی۔

__________________
جاویداسد