09 ستمبر 2010
لندن ( نیٹ نیوز )برطانوی اخبار نے دعوی کیا ہے کہ سپاٹ فکسنگ کے الزام کا سامنا کرنے والے پالستانی کھلاڑی محمد آصف نے برطانیہ میں سیاسی پناہ لینے کا فیصلہ کیا ہےاور اس مقصد کیلئے انہوں نے ایک وکیل کی خدمات بھی حاصل کرلی ہیں۔اے آر وائی نیوز کے مطابق محمد آصف نے امیگریشن وکلاء سے جمعہ کے روز 35 منٹ تک ایک ہوٹل میں مشاورت بھی کی ہے جس دوران انہیں برٹش امیگریشن قوانین کا کتابچہ بھی دیا گیا اور مشورہ دیا گیا کہ ان کے خلاف جاری تحقیقات ختم ہونے تک وہ سیاسی پناہ کی درخواست نہ دین دوسری جانب برطانوی امیگریشن حکام کا کہنا ہے کہ اگر محمد آصف کی جان کو خطرہ ہوا تو پناہ دیدی جائے گی ۔ اخبار کے مطابق محمد آصف نے خدشہ ظاہر کیا ہے کہ پاکستان واپسی کی صورت میں انہیں جوا گینگ کی جانب سے تشدد کا نشانہ بنایا جاسکتا ہے ۔ جیو نیوز کے مطابق برطانیہ میں پاکستانی ہائی کمیشن نے اس خبر پر کسی قسم کا تبصرہ کرنے سےگریز کیا ہے۔

__________________
جاویداسد