# اٹلی کے شہر میلان کے آرچ بشپ نے جرائم کے انسداد کے لئے شہروں میں فوج کے گشت کے حکومتی منصوبہ پر کڑی تنقید کرتے ہوئے کہا ہے کہ اس سے خوف و خطرہ کی فضا بڑھے گی۔
# اطالوی حکومت اس عدالتی حکم کے خلاف اپیل کرے گی کہ جس میں شمالی قصبہ ونسزا میں امریکی فوجی اڈے میں توسیع روک دی گئی ہے۔
# وزیراعظم فرانسو افلن نے کہا ہے کہ فرانسیسی فرمیں الجزائر کے مسلح گروپوں کے دھوکے میں نہیں آئیں گی اپنے دو روزہ دورہ الجزائر کے موقع پر انہوں نے کہا کہ فرانسیسی فرمیں کسی دھوکے میں نہیں آئیں گی۔
# فیول ٹینکر ڈرائیوروں نے تنخواہ میں 14 فیصد اضافہ کی پیشکش باضابطہ طور پر قبول کر لی ہے جس سے کئی روز جاری رہنے والی ہڑتال ختم ہو گئی جس میں سیکڑوں ڈرائیوروں نے حصہ لیا تھا۔
# سالفرڈ میں پولیس کی وین سے ٹکر میں ہلاک ہونے والی خاتون کا نام ظاہر کر دیا ہے وہ 38 سالہ اینجلا الزبتھ پرسل ہے وہ ٹکرانے والی کار میں سوار تھی کار ڈرائیور اور ایک ممبر جو کار میں سوار تھا معمولی زخمی ہیں۔
# سنڈرلینڈ فٹ بال کلب کے سابق گول کیپر ٹم کارٹر مردہ پایا گیا اس کی لاش مانچسٹر سے ملی جبکہ وہ جمعرات کی صبح سے ڈرہم میں اپنی رہائش گاہ سے لاپتہ تھا۔
# ساؤتھ اورمسبی میں ایک خاتون اور مرد کو فائرنگ کر کے زخمی کر دیا گیا لنکن شائر پولیس نے اقدام قتل کی اس واردات پر 45 سالہ شخص کو حراست میں لے لیا۔
# کیمبرج شائر کے قصبہ ہنٹن کے نزدیک سڑک کے کنارے پڑے جلسے ہوئے سٹوک کیس سے ایک خاتون کی لاش برآمد ہوئی جو 23 سالہ سویڈش ریمونا ایمڈن کی ہے۔ وہ پچھلے ہفتے لندن سے لاپتہ تھی پوسٹمارٹم سے اس کی تصدیق ہوئی کہ اس کی موت سینے پر خنجر کے وار سے ہوئی۔
# سکاٹش لیبر لیڈر وگینڈی الیگزنڈر نے سکاٹ لینڈ کی آزادی پر ریفرنڈم کرانے کی پھر اپیل کرتے ہوئے کہا ہے کہ سکاٹ لینڈ کے عوام کو اپنے مستقبل کا خود فیصلہ کرنے دیا جائے اور اس میں دیر نہیں ہونی چاہئے۔
# ایسٹ یارکشائر کے قصبہ ایسٹ کووک سے ملنے والی لاش کی شناخت نہیں ہو سکی تاہم اس کی عمر پچاس برس سے زائد بتائی جاتی ہے۔ ایک راہگیر نے لاش دیکھ کر پولیس کو اس کی اطلاع دی پولیس تحقیقات کر رہی ہے۔
# نارتھ آئرلینڈ کے علاقہ کواینٹرم میں سترہ سالہ نوجوان ہلاک ہو گیا۔ پولیس تحقیقات کر رہی ہے۔
# نورفوک میں پندرہ سالہ لڑکا کنگز لن میں ایک تالاب سے فٹ بال نکالتے ہوئے ڈوب گیا۔