مخدوم امین فہیم کی خالی کردہ نشست پر امیدواروں کی بہتات
ہالا (نامہ نگار) مٹیاری کے صوبائی حلقہ پی ایس 44 کے ضمنی انتخابات میں حصہ لینے والے امیدواروں میں پی پی کے علاوہ دیگر سیاسی و آزاد امیدوار بھی میدان میں آگئے ہیں پی پی کے سینئر وائس چیئرمین مخدوم امین فہیم کی خالی کردہ نشست پر امیدواروں کی بہتات سے مخدوم ہاؤس ہالا اور پارٹی تذبذب کا شکار ہوگئی ہے الیکشن کمیشن کی جانب سے مٹیاری کے حلقہ پی ایس 44پر ڈسٹرکٹ اینڈ سیشن جج حیدرآباد خالد حسین کو ریٹرننگ آفیسر مقرر کیا گیا ہے ضمنی انتخابات میں پندرہ دن کی توسیع کے باوجود انتخابی عمل کے آغاز میں کاغذات نامزدگی حاصل کرنے و الوں میں مخدوم امین فہیم کے بھائی مخدوم رفیق الزماں، مخدوم فضل حسین، مخدوم عطا حسین، سید امیر علی شاہ ہاشمی، سید شاہ محمد شاہ، پی پی شہید بھٹو کے پیرل مجید انو، متحدہ مجلس عمل کے اعظم جہانگیری، سابق صوبائی مشیر سید جلال شاہ جاموٹ اور دیگر امیدوار شامل ہیں مذکورہ حلقے میں پی پی کے امیدواروں نے پارٹی قیادت کو ٹکٹ کیلئے درخواستیں جمع کرادی ہیں پی پی ذرائع کے مطابق پیپلزپارٹی کے چیئرپرسن آصف علی زرداری نے مخدوم امین فہیم کی ناراضی کم کرنے کیلئے ماضی کی روایات کے مطابق حلقہ پی ایس 44 کی ٹکٹ مخدوم امین فہیم کو دینے کا فیصلہ کیا ہے ۔

__________________