|
مذہبی امور کی وزارت ملنے پر جے یو آئی واپس آ سکتی ہے
15-12-10, 04:50 AM
لاہور (جاوید فاروقی ) نصف درجن سے پارٹیوں پر مشتمل مرکزی مخلوط حکومت میں گزشتہ پونے تین سال کے دوران اتحادیوں کی لڑائیاں زیادہ ”دیرپا“ ثابت نہیں ہوئیں اس سے قبل بھی ایم کیو ایم اور جے یو آئی حکومت سے تین تین بار ناراض ہوچکی ہیں اور دوبارہ چھوٹی اتحادی پارٹیاں اپنے چند مطالبات تسلیم کروانے کے بعد حکومت میں شامل رہیں۔ تاہم گزشتہ روز جمعیت علمائے اسلام کی طرف سے حکومت چھوڑنے اور وزراءکے استعفوں کے باعث حالیہ لڑائی کو مبصرین زیادہ اہمیت دے رہے ہیں جبکہ پیپلز پاٹی کے اعلیٰ حلقے اس سے زیادہ فکرمند نظر نہیں آتے اور ان کا خیال ہے کہ صدر زرداری کے ساتھ مولانا فضل الرحمان کے بڑے قریبی اور مثالی تعلقات ہیں یہی وجہ ہے کہ انہوں نے گزشتہ روز غیر روایتی طور پرڈاکٹر قیوم سومرو کو مولانا فضل الرحمان کے پاس بھیجا جنہوں نے مولانا کو صدر کا اہم پیغام پہنچایا۔ ذرائع کا کہنا ہے جمعیت علمائے اسلام کافی عرصہ سے وزارت مذہبی امور کی امیدوار تھی۔ مولانا حامد سعید کاظمی کی برطرفی کے بعد پارٹی کا خیال تھا کہ یہ وزارت انہیں مل جائے گی لیکن جب خورشید شاہ کو وزارت مذہبی امور کا چارج دیدیا گیا تو اس کے بعد جے یو آئی کی طرف سے حکومت سے علیحدگی کا انتہائی اقدام سامنے آیا۔ تاہم امکان ہے کہ اس سلسلہ میں جے یو آئی کی فرمائش کو پذیرائی مل سکتی ہے اور اہم وزارت ملنے پر جے یو آئی حکومت میں واپسی کا اعلان کر سکتی ہے پارٹی کے اہم حلقوں کا یہ بھی کہنا ہے کہ وزارت مذہبی امور پر سوچ بچار کے بعد کوئی ایسی نئی شخصیت بھی لائی جا سکتی ہے جو سعودی عرب اور پیپلز پارٹی کی حکومت میں پل کا کردار ادا کر سکے جس کی آج تک پیپلز پارٹی کمی محسوس کر رہی ہے۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,509
شکریہ: 1,551
2,973 مراسلہ میں 8,226 بارشکریہ ادا کیا گیا
|
|
15-12-10, 04:50 AM
Linear Mode
Similar Threads
